Балаҕан ыйын 29 күнүгэр Чурапчы киин бибилэтиэкэтигэр ааспыт Саха Өрөспүүбүлүкэтигэр урбаанньыт күнүн чэрчитинэн оскуола үөрэнээччилэригэр профориентационнай хабааннаах урбаан эйгэтин уонна урбаанньыт идэтин туһунан билиһиннэрии көрсүһүүтэ буолла.Манна С.К. Макаров аатынан Чурапчы гимназиятын 7-с, 10-с кылаас үөрэнээччилэрэ, С.А. Новгородов аатынан Чурапчы орто оскуолатын 10-с кылааһын үөрэнээччилэрэ кэлэн кыттыыны ыллылар.

Кинилэргэ анаан Чурапчы улууһун урбаанньыттара: күннэтэ сылдьан атыылаһар, биир бигэ туруктаах «Кэнчээри» маҕаһыын салайааччыта Людмила Прокопьевна Саввина; Торт, бурдук ас араас көрүҥүн оҥорон таһаарар урбаанньыт Ульяна Николаевна Заровняева; Илиинэн оҥоһук кэрэ эйгэтин уонна атыы эргиэн өттүн дьүөрэлии туппут Татьяна Петровна Слюгрова; Саха төрүт музыкальнай инструменын хомуһу оҥорор уус — Тарабукин Герасим Эдуардович кэлэн ыалдьыттаан оҕолору кытта бэйэлэрин үлэлэрин-хамнастарын билиһиннэрдилэр, сүбэлэрин үллэһиннилэр.

Оҕолор бу көрсүһүүттэн элбэх саҥаны, инники олохторугар сыалларын ситиһэллэригэр элбэх билиини ылан тарҕастылар.