Үбүлүөйүнэн эҕэрдэ!
Тохсунньу 31 күнүгэр СӨ култууратын үтүөлээх үлэһитэ, СӨ култууратын туйгуна, «СӨ бибилэтиэкэ дьыалатын сайдыытыгар кылаатын иһин» бэлиэ хаһаайына, өр сыллар усталарыгар Чурапчытааҕы кииннэммит бибилэтиэкэ ситимин салайбыт Вера Аполлоновна Платонова үбүлүөйдээх сааһын бэлиэтиир. Вера Аполлоновна бибилэтиэкэ эйгэтигэр 38 сыл, ол иһигэр 28 сыл дириэктэринэн үлэлээн Чурапчы улууһугар бибилэтиэкэ дьыалата сайдыытыгар үтүө суобастаах, бэриниилээх үлэтинэн сүҥкэн кылааты киллэрсэр дьоһун дьоннортон биирдэстэрэ буолар. Үлэлээбит сылларыгар улуус бибилэтиэкэлэрэ олох сайдыытын кытта тэҥҥэ хардыылыылларыгар, материальнай баазалара тупсарыгар, пуондалара хаҥыырыгар, идэлээх кадрдары бэлэмнээһиҥҥэ үгүс үтүмэн үлэни ыыппыта.
Күн бүгүн Вера Аполлоновна улууспут социальнай-экэнэмиичэскэй, култуурунай сайдыытыгар, уопсастыбаннай олоҕор кылаатын киллэрсэ айымньылаахтык үлэлии сылдьарыттан астынабыт, киэн туттабыт, үрдүктүк сыаналыыбыт уонна дириҥник махтанабыт.
Убаастабыллаах Вера Аполлоновнаны кэрэ-бэлиэ күҥҥүнэн Чурапчытааҕы библиотечнай ситим бары үлэһиттэрин ааттарыттан итиитик- истиҥник эҕэрдэлиибит! Баҕарабыт эдэрдии эрчимҥин ыһыктыбакка, үтүөҕэ-кэрэҕэ, тулалыыр дьоҥҥун-сэргэҕин билиигэ-сырдыкка уһуйа, олох оргуйар үөһүгэр этэҥҥэ, чэгиэн сылдьаргар! Чугас дьонуҥ эйигин өйүү, мэлдьи үөрдэ турдуннар, дьиэ кэргэҥҥэр бигэ туругу, бары үтүөнү-кэрэни!
Чаҕылхай салайааччы, Далбар Хотун Вера Аполлоновна Платонова олоҕун, үлэтин сэһэргиир интервьютун истиҥ, көрүҥ!
