Бибилэтиэкэ дьоһун үлэһиттэрэ
Мария Петровна Иустинова
Чурапчы улууһугар библиотечнай дьыала сайдыытыгар сүдү кылааттарын киллэрсибит, нэһилиэнньэҕэ библиотека суолтатын үрдэтэн, элбэх көлүөнэ ааҕааччыны билиигэ-сырдыкка угуйан, өр сыл таһаарыылаахтык, хорутуулаахтык үлэлээбит дьоннортон биирдэстэрэ биһиги ытыктыыр, убаастыыр бэтэрээммит, ССРС уонна СӨ култуураларын туйгуна, «СӨ култууратын сайдыытыгар кылаатын иһин», «Оройуон сайдыытыгар кылаатын иһин» III-с истиэпэннээх бэлиэлэр хаһаайыннара, үлэ уонна улуус култууратын бэтэрээнэ, Чурапчы улууһун норуотун маастара, Чурапчы улууһун уонна Хатылы нэһилиэгин бочуоттаах гражданнара Мария Петровна Иустинова буолар. Мария Петровна таптыыр идэтигэр олоҕун анаан, төрөөбүт нэһилиэгэр Хатылы библиотекатыгар үтүө суобастаах, айымньылаах үлэтин үгүс үрдүк наҕараадалара туоһулууллар, 40-ча сыл эҥкилэ суох үлэтинэн дьонугар-сэргэтигэр убаастанар, ытыктанар. Билигин Иустинова Мария Петровна бочуоттаах сынньалаҥҥа олорон бибилэтиэкэни кытта сибээһин быспат, сүбэ- ама буолан, эдэр специалистары кытта үлэтин баай уопутун үллэстэр. Мария Петровна төрөөбүт улууһун уонна республикатын улахан патриота. Кыраайы үөрэтээччи быһыытынан биир дойдулаахтарын уонна нэһилиэгин историятын сырдатар дьоһуннаах кинигэлэри хомуйан, оҥорон таһааран үйэтитиигэ бэйэтин кылаатын киллэрсэр. Мария Петровна олоҕо, дьоһун үлэтэ идэҕэ бэринии, төрөөбүт дойдуга таптал , олоххо дьулуур үтүө холобура буолаллар.
Библиотека күнүн көрсө туруу үлэһит, ытыктабыллаах бэтэрээммит Мария Петровна Иустинова биэрбит интервьютун истиҥ, көрүҥ!
Кэпсэттэ Е.А.Борисов аатынан улуустааҕы киин библиотека ааҕааччыны кытта үлэлиир салаа сэбиэдиссэйэ Елена Дьячковская.