Кулун тутар 27 күнүгэр улууспут Е.А.Борисов аатынан улуустааҕы киин библиотекатыгар «ОЛОҤХО УГУЙАР ДОЙДУТА» диэн олоҥхо толоруутун истиитин эйгэтин сайыннарар тэрээһинэ буолла.Ыаллыы Таатта улууһуттан «УДЬУРХАЙ» бөлөх Платон Алексеевич Ойуунускай  «Туналҕаннаах ньуурдаах Туйаарыма куо» олоҥхотуттан быһа тардыыны, ону таһынан Чурапчы улууһуттан «ОЛЛООН» бөлөх биир дойдулаахпыт Мугудайтан төрүттээх  Оконешников И.Д. «ТаммаллаайыБэргэн» олоҥхотуттан толордулар.Биирдиилээн толорууга кыттыыны ыллылар:Николай Романович Дьячковскай-ЧурапчыЮрий Семенович Толстоухов-ЧурапчыАльберт Шестаков-ТааттаМария Романовна Егорова-ТааттаКлара Илларионовна Китаева-Таатта.Олоҥхо кииниттэн Валерий Петрович Герасимов «олоҥхо» суолтатын, оруолун туһунан санаатын үллэһиннэ. Улуустаа5ы киин библиотека аатыттан методист Валентина Петровна Лонгинова бөлөхтөргө махтал суругу туттарда.Бу тэрээһин сыала-соруга диэн ыаллыы сытар Таатта улууһун кытта алтыһыы, опыт атастаһыы, олоҥхо истэр эйгэтин дьоҥҥо-сэргэҕэ тэрийии буолар.Эдэр кэскиллээх олоҥхону толорооччу Альберт Шестакову ордук дьон-сэргэ биһирии иһиттэ. Туттара-хаптара, уобарастыыра көрдөххө олоҥходьоруойдара иннитигэр ойууланарга дылы буолбута. «Оллоон» бөлөххө биир ый ордук дьарыктаммыт саҥа кэпсээнньит Антон Антонович Сергеев олус бэрткэ истээччини кэрэхситтэ.Бу тэрээһиҥҥэ ыаллыы сытар Таатта улууһа киэҥ-куоҥ библиотека уораҕайыгар, үлэһиттэригэр астынан-дуоһуйан, махтал тылларын бэлэхтээтилэр.Онон өбүгэлэрбит биир муҥутуур үгэһэ-Олоҥхо үүнэ-сайда турдун диэн эрэллээх санаанан тэрээһиммит түмүктэннэ.