Киин бибилэтиэкэ сонуннара
Муус устар 28 күнүгэр Чурапчы уулууһун биир идэлээх сойуустарын икки ардыларыгар «Маай.Үлэ.Эйэ» күнүгэр, Саха сиригэр биир идэлээх сойуустар хамсааһыннара тэриллибитэ 105 сылыгар аналлаах Квест оонньуу буолла. Оонньууну улуустааҕы киин бибилэтиэкэ тэрийдэ. Уопсайа 6 хамаанда күөн көрүстүлэр. Кыттааччылар 6 түһүмэҕинэн араас сорудахтары толордулар. Түмүккэ кыайыылааҕынан элбэх баалы ылан «Түргэннэр» Чурапчытааҕы спорт институтун хамаандата кыайыылааҕынан таҕыста, иккис миэстэ «Первомай» судаарыстыбаннай холбоһуктаах тэрилтэлэр хамаанадата буолла, үһүс миэстэни «Айылгы» култуура хамаандата ылла. Кыайыылаахтар дипломнарынан уонна сертификатынан наҕараадаланнылар.
Муус устар 28 күнүгэр оҕо бибилэтиэкэтигэр «Төрөөбүт тыл биһигэ» киин иһинэн ыытыллар «Эбээ ааҕар» бырайыакка ааҕааччыны кытта үлэлиир салаа бибилэтиэкэрэ М.Н.Захарова ыалдьыттаата. С.А.Новгородов аатынан Чурапчы орто оскуолатын 8 «б» кылааһын үөрэнээччилэригэр Чурапчы улууһун Мырыла нэһилиэгин туһунан С.А.Попов – Тумат уонна олоҥхоһут К.Л.Федоров «Өс ситиһиитэ», «Үһүйээн уонна таптал» үһүйээннэрин дорҕоонноохтук ааҕан иһитиннэрдэ. Уруок түмүгэр үһүйээн диэн тугун, кини иитэр-үөрэтэр суолталааҕын туһунан кэпсэтиини ырыттыллар.
Муус устар 29 күнүгэр С.К.Макаров аатынан Чурапчытааҕы гимназия 10 «а», “б”, С.А.Новгородов аатынан орто оскуола 9 “б» уонна 11 «а» кылаастарын оҕолоругар Өрөспүүбүлүкэ күнүгэр аналлаах литературнай, беседалаах, викториналаах уруоктар ыытылыннылар. Уруогу ыыттылар ааҕааччыны кытта үлэлиир салаа бибилэтиэкэрдэрэ В.П.Лонгинова, В.Е.Маркова, А.С.Маркова.
Муус устар 29 күнүгэр киин бибилэтиэкэҕэ оҕо төрөөбүт тылынан ааҕарын көҕүлүүр “Төрөөбүт тыл биһигэ” кииҥҥэ «Уостан түспэт номохтор» өбүгэ үһүйээннэрин, номохторун уус — ураннык кэпсиир күрэх, бастакытын ыытылынна. Кыттааччыларынан Чурапчы нэһилиэгин үс оскуолатын: С. А. Новгородов аатынан, И. М. Павлов аатынан орто оскуолалар уонна С.К. Макаров аатынан улуустааҕы гимназия 5,6,7,8 кылааһын үөрэнээччилэрэ икки бөлөххө арахсан кыттыыны ыллылар. Күрэх сыала-соруга: өбүгэ саҕаттан уостан уоска кэпсэнэр норуот үһүйээннэрин, номохторун киэӊ араӊаҕа тарҕатыы, билиһиннэрии, сөргүтүү, кэлэр кэнчээри ыччаттарбытыгар саха төрүт үһүйээннэрин, номохторун нөҥүө ааҕыыны көҕүлээһин, уус-ураннык сахалыы ыраастык кэпсиир дьоҕуру сайыннарыы.
Муус устар 30 күнүгэр «Чурапча на девяти холмах: памятники культурного наследия Чурапчинского наслега» кинигэ биһирэмэ буолла. Кинигэ «Чурапчы улууһа” МР “Чурапчы нэһилиэгэ” тыа сирин түөлбэтин дьаһалтатын көҕүлээһининэн бэчээккэ таҕыста. Бу маассабай-бэлитиичэскэй таһаарыы буолар. Научнай салайааччыта В.Б.Игнатьева, ист. наука кандидата, хомуйан оҥордо Макарова Варвара Васильевна. Кинигэҕэ С.А.Жендринскэй уонна А.А.Саввин аатынан Чурапчытааҕы история уонна этнография музейын архивыттан хаартыскалар туһаныллыбыттар.
