Төрөөбүт  түөлбэбит Чурапчы Нап-нарын уйаҕас айылҕа Сып-сырдык, ып-ыраас   салгынаТулалыыр иэйиини биһиктиир.     Ол иһин күлүмнэс ыралаах,     Кэрэҕэ-кэскилгэ тардыылаах,    Кэрэмэс сайдыыга баҕалаах   Үүнэллэр дэгиттэр талааннар.                   М.А.Герасимова — Сэҥээрэ          Кулун тутар 25 күнүгэр  сыл аайы Арассыыйаҕа  култуура күнэ бэлиэтэнэр. Айар-тутар идэлээх, иитэр-сырдатар, үйэлээҕи харыстыыр  култуура эйгэтин үлэһиттэригэр  анаммыт күнү олохтуурга Арассыыйа  бэрэсидьиэнэ Владимир Путин атырдьах ыйын 27 күнүгэр 2007 сыллаахха  1111 нүөмэрдээх ыйаахха илии баттаабыта. Култуура үлэһиттэрин идэлээх бырааһынньыктара 2008 сыллаахтан бэлиэтэнэр. Төрөөбүт  Чурапчыбыт улууһун   култууратын үлэһиттэрэ  дьону-сэргэни кэрэҕэ, үтүөҕэ угуйан, билиини-көрүүнү  тарҕатан, нэһилиэнньэ сынньалаҥын сатабыллаахтык тэрийэн  киэҥ далааһыннаах  үлэни ыыталлар. Кинилэр бары айар кыахтарын-күүстэрин биһиги ураты култуурабытын тарҕатыыга, сырдатыыга, үйэтитиигэ уураллар.      Чурапчы улууһун култууратын сайдыытын, култуура эйгэтин тэрилтэлэрин уонна  үлэһиттэрин туһунан  киэҥник сырдатар  кинигэлэри  биһиги киэн туттар биир дойдулаахпыт   ССРС култууратын туйгуна, РСФСР култууратын үтүөлээх үлэһитэ, РФ Суруналыыстарын союһун чилиэнэ,  СӨ Судаарыстыбаннай Мунньаҕын (Ил Түмэн) А.П. Илларионов аатынан суруналыыстарын  бириэмийэтин лауреата, Чурапчы улууһун, Хайахсыт нэһилиэгин Бочуоттаах олохтооҕо Мария Андреевна Герасимова – Сэҥээрэ  суруйан таһаарбыта. Мария Андреевна  республика, улуус култууратын сайдыытыгар хас нэһилиэк аайы бу эйгэҕэ үлэлээбит, дьоһун кылааттарын киллэрсибит  талба  талааннаах, айар –тутар  дьон олохторун, үлэлэрин  туһунан матырыйааллары хомуйан, суруйан бэчээккэ таһаарбыта. Күн бүгүн биһиги улууспут култууратын историятын үйэтитэр,  киэҥ араҥаҕа, кэлэр кэнчээри ыччакка  сырдатар, сүҥкэн суолталаах  кинигэлэр буолаллар.

             Герасимова-Сэҥээрэ, Мария Андреевна.         

 Тыа сирин культурата: Чурапчы  улууһа /    М. А. Герасимова-Сэҥээрэ. — Дьокуускай : Бичик, 2004. -556, [3] с.

  Чурапчыттан  сириэдийэн  / [хомуйан оҥордо    М.А.Герасимова – Сэҥээрэ]. — Дьокуускай : Бичик,   2009. – 576 с.

  Талба  талааннар. Чурапчы улууһа/ 

  Чурапчы улууһа  төрүттэммитэ 85 сылыгар, Чурап. ыытыллар          олоҥхо ыһыаҕар аныыбын ; [хомуйан оҥордо М.А.Герасимова – Сэҥээрэ]. — Дьокуускай : Бичик, 2016. – 544 с.

  Уран уус аҕалар /  [хомуйан, таҥан, сааһылаан   бэчээккэ  бэлэмнээтэ М. А. Герасимова-Сэҥээрэ ;  киирии тыл авт. А. Т. Ноговицын]. —               Дьокуускай : Көмүөл, 2017. — 237, [2] с.
                                                                                

Убаастабыллаах  ааҕааччыларбыт!Улуус култууратын историятын  уонна култуура эйгэтин үлэһиттэрин сырдатар  кинигэлэри  улуустааҕы киин библиотека ааҕар саалатыгар, абонемент  салаатыгар   кэлэн  билсиҥ, ааҕыҥ, сэргээн  диэн  ыҥырабыт. Ону  сэргэ библиотека  сайтыгар  электроннай  библиотекаҕа  “Культура Чурапчинского улуса” салааҕа   киирбит  кинигэлэри  билиһиннэрэбит. Куйаар  ситиминэн киирэн   кинигэлэри   толору  көрүөххүтүн, ааҕыаххытын  сөп.  Ааҕарга сыылка:Чурапчинская межпоселенческая централизованная библиотечная система | Культура Чурапчинского улуса (muzkult.ru)

Чурапчы улууһун култуура эйгэтин бары үлэһиттэрин идэлээх күҥҥүтүнэн итиитик-истиҥник эҕэрдэлиибит!Айымньылаах үлэҕит аартыга кэҥии, үтүөҕэ-сырдыкка угуйа-ыҥыра туруохтун, тус бэйэҕитигэр уонна дьиэ кэргэҥҥитигэр дьолу, чэгиэн-чэбдик туругу, этэҥҥэ буолууну баҕарабыт!