Алтынньы 1 күнүгэр буолан ааспыт Аан дойдутааҕы кырдьаҕастар күннэрин чэрчитинэн алтынньы 10 күнүгэр Чурапчы киин бибилэтиэкэтигэр аҕам саастаахтарга аналлаах «Дьоһун саас көмүс күһүнэ» диэн истиҥ көрсүһүү буолан ааста.

Манна Чурапчы нэһилиэгин түөлбэлэрин олохтоохторо кэлэн кыттыыны ыллылар.

Истиҥ көрсүһүүгэ мастер-кылаастары, коллекциялары көрдөрдүлэр, араас сүбэлэри биэрдилэр:Маркова Вероника Егоровна эмтээх оттор тустарынан кэпсээтэ, оту хаһан хомуйар, хайдах туһанар туһунан сүбэлэри биэрдэ.Душкина Варвара Ивановна бэйэтэ коллекциялыыр значоктарын, открыткаларын уонна маркаларын аҕалан көрдөрөн дьон сэҥээритин ылла.Кузьмина Марфа Николаевна эти-хааны чэбдигирдэр хамсаныылары көрдөрдө, туохха туһалааҕын быһаарда.Аҕам саастаахтар бэйэ-бэйэлэрин кытта көрсөн, ирэ-хоро кэпсэтэн, үөрэн-көтөн сэргэхсийдилэр. Дьон сүрэҕэр, өйүгэр хаалбыт урукку сэбиэскэй кэминээҕи  киинэлэри, таабырыннары таайа оонньоотулар. Уостан түспэт сахалыы, нууччалыы ырыалары ыллаан астынан, дуоһуйан тарҕастылар.