Улуустааҕы киин библиотека үлэһиттэрэ Чурапчытааҕы оҕо искусствотын оскуолатыгар ыалдьыттаатылар.

Уруһуй уонна прикладной кылаас үөрэнээччилэригэр биир дойдулаахпыт, саха норуодунай суруйааччыта С.А. Попов-Сэмэн Тумат оҕолорго анаан суруйбут айымньыларын билиһиннэрдилэр. Оҕону кыра эрдэҕиттэн айылҕаны харыстыырга, сиэрдээх быһыыга-майгыга иитэр-үөрэтэр кэрэхсэбиллээх айымньылардаах ытыктыыр суруйааччыбыт Семен Андреевич Попов-Сэмэн Тумат быйыл 80 сааһын бэлиэтиир. Библиотекардар Флегонтова С.К. уонна Захарова М.Н. оҕолорго айымньылар ис хоһооннорун арыйан хоту дойду хоһуун дьонун олохторун, тулалыыр айылҕаны, көтөрдөр, кыыллар тустарынан кэпсээбиттэрин оҕолор сэҥээрэн иһиттилэр.