ЛООКУУТ УОННА НЬУРГУҺУН НОМОХ БУОЛБУТ НАРЫН ТАПТАЛЛАРА…
Номох буолбут таптал ”Лоокуут уонна Ньургуһун” уус уран айымньытыттан киинэ буолан балаҕан ыйын 21 күнүттэн киэҥ эйгэҕэ таҕыста.
Уһулбут режисер Константин Тимофеев этэринэн:
“Киинэҕэ Тимофей Сметанин уус-уран тылын харыстаан, дьоруойдар кэпсэтэр тылларыгар уларыппакка киллэрэ сатаабытым. Үүнэн эрэр көлүөнэ суруйааччы тылын-өһүн кытта билистин, өйдөөтүн диэн”.
Айымньы остуоруйатыттан ылан ырытан көрдөххө маннык.
Суруйааччы Дьүөгэ Ааныстыырап былыргы номоххо олоҕуран латыын алпаабытынан суруйбут «Nurguhun uonna Lookuut» сэһэнэ1938 сыллаахха кинигэ буолан тахсыбыт.
Онтон буойун-суруйааччы Тимофей Сметанин бу сэһэҥҥэ олоҕуран суруйбут драаматынан “Лоокуут уонна Ньургуһун” испэктээк Саха музыкальнай-драматическай судаарыстыбаннай тыйаатырын сыанатыгар 1946 сыл муус устар 19 күнүгэр турбут. Ити кэмтэн бастыҥ драматург чулуу айымньытыгар хас да көлүөнэ артыыс умсугуйа оонньоон кэллэ. Билигин бу айымньыга олоҕуран аныгы тыйаатыр туруоруулара бааллар.
Киин библиотекаҕа бу айымньылар кинигэлэрэ бааллар.
Дьүөгэ Ааныстыырап “Ньургуһун уонна Лоокут” кинигэтин саҥалыы тыыннаан 2003 с. Хомуйан оҥорбут А.И.Аржаков, Ю.И.Васильев кинигэтэ.
Тимофей Сметанин икки томнаах айымньыларыгар «Лоокут уонна Ньургуһун» Драмата тиһиллэ сылдьар кинигэтэ.
Ону таһынан Суорун Омоллоон айымньыларын уонна үлэлэрин толору хомуурунньуктарыгар Күннүк Уурастыыптыын суруйбут легенда-опера либреттота.
