Көмүспүн,алмааспынКөрөбүн биэс оҕобор!Баай эбээт Ийэҕит!Баайбынан киэн туттабын!Дом!    Чурапчы улууһун киин библиотекатыгар «Оҕолордоох буолан Дьоллоох Ийэбин» диэн Ийэ сылын чэрчитинэн, Чурапчы түөлбэтин биир ытыктанар, Тытыгынаевтар улахан  дьиэ-кэргэн   ийэлэрин  Мария Алексеевна Сидорова – Тытыгынаева «Ийэ алгыһа» диэн кинигэ быыстапката турда. Кинигэ 2018 с. Дьокуускай куоракка  ИД «Дьолуо» кинигэ кыһатыгар бэчээттэнэн тахсыбыта.

  Мария Алексеевна Чурапчы нэһилиэгин Бочуоттаах олохтооҕо, Саха сирин Ытык кырдьаҕаһа, тыыл, үлэ бэтэрээнэ, Учууталлар учууталлара, «Гражданскай килбиэн » знак кавалера . Кини оҕолору  билии кэрэ эйгэтигэр 32 сыл устата уһуйбута.    Орто дойду сирдээҕи олоҕор  Ийэ, Эбээ, Хос эбээ диэн үрдүк ааты  чиэстээхтик сүкпүтэ, биэс оҕону иитэн  дьоһуннаахтык, дьоллоохтук олорон ааспыт олоҕо кэпсэнэр. Кинигэҕэ Мария Алексеевна ахтыылара, хоһоонноро, алгыстара киирдилэр.   Бу кинигэни уларсан ааҕыҥ, олох, дьиэ-кэргэн туһунан үрдүк өйдөбүлү  өйдөөн – толкуйдаан, тус олоххутугар туһаныаххыт диэн эрэнэбит…

Иһитиннэриини бэлэмнээтэ: Матрена Николаевна Захарова, ааҕааччыны кытта үлэлиир салаа бибилитиэкэрэ.Ахсынньы 1 күнэ.2022с.