Олунньу 22 күнүттэн өрөспүүбүлүкэ бары киинэ тыйаатырдарыгар «Хапсыһыы» диэн киинэ көстөрө былааннанар.

Бу киинэ саха сириттэн маҥнайгы көҥүл тустууга Сэбиэскэй Союз чөмпүйүөнүн Вячеслав Карпов түһүүлээх-тахсыылаах уустук олоҕун туһунан. Талааннаах киһи бэйэтин спортивнай карьератыгар төһө даҕаны уустуктары көрүстэр, бүдүрүйдэр — өйүн-санаатын түмэн, олох көнө суолугар үктэнэн, спортка төннүүтүн көрдөрөр. Бу киинэ биллэн туран үүнэн иһэр ыччаттарга итиэннэ спортка сыһыаннаахтарга барыларыгар олус улахар иитэр-үөрэтэр суолталаах.

Бу киинэни көрүөх иннинэ биһиги бибилэтиэкэбититтэн бу кинигэлэри ылан аах:

1. Егор Неймохов «Хапсыһыы» 1983 с.

1970-с сыллар. Саха сиригэр көҥүл тустуу спорт бары көрүҥнэриттэн өрөгөйдөөн сайдыбыт кэмэ. Биир нэһилиэк оскуолатыгар сатабыллаах тренер Михаил Павлович Керемясов тустуутун куруһуогугар дьарыктаммыт Толя Догоров уонна Гриша Бусхатов Сэбиэскэй Сойууска 18 саастарын туола илик уолаттар ортолоругар бэйэлэрин ыйааһыннарыгар чөмпүйүөннээн эргиллэллэр. Кинилэри нэһилиэктэригэр уруйдуу — айхаллыы көрсөллөр. Салҕыы туох олох күүтэрин бу сэһэнтэн ааҕан билиҥ!

2. Вячеслав Карпов «Очурга оҕустарыы, кыайыыга кынаттаныы» 2013 с.

Көҥүл тустууга саха уолаттарыттан бастакы ССРС чөмпүйүөнэ, Д.П. Коркин биир чаҕылхай талааннаах үөрэнээччитэ Вячеслав Карпов бэйэтин очурдаах, өрө тахсыылаах олоҕун, улуу тренерин, бииргэ алтыспыт доҕотторун туһунан сэһэнэ. Ааптар бэйэтин олоҕун туһунан суруйуутун ааҕан, киинэни кытта тэҥнээн көрүҥ!

Киинэ трейлерэ: