Быйыл СӨ уонна Чурапчы улууһугар Чэбдигирии сылын чэрчитинэн улуустааҕы киин библиотекаҕа биир  сэргэх, интириэһинэй  тэрээһин буолан ааста. Ол курдук куйаар ситиминэн «Эмтээх от доруобуйаҕа туһата» диэн кэпсэтии буолла. Көрсүһүүгэ Хайахсыт нэһилиэгин олохтооҕо, эмтээх отунан дьарыктанар Поисеева  Валентина Семеновна кыттыыны ылла. Валентина Семеновна дойдубутугар үүнэр эмтээх оттору хаһан, хайдах хомуйары, туох ыарыыга туһанылларын, хайдах туттуохха сөбүн истээччилэргэ сиһилии  кэпсээтэ. Валентина Семеновна эмтээх оттортон сүһүөх, варикоз, сөтөл ыарыылартан  маас оҥорон атыылыыр эбит, ону сэргэ доруобуйаҕа олус туһалаах, битэмииннээх чэйдэри оҥорорун туһунан кэпсээтэ. Кэпсэтиигэ кыттыбыт истээччилэр  сэҥээрэр боппуруостарын биэрэн эмтээх оттор тустарынан элбэҕи биллилэр, туһалаах  сүбэлэри иһиттилэр. Валентина Семеновна оҥорор маастарын атын улуустартан куйаар ситимин нөҥүө билсэн, атыылаһан туһаммыт дьон үгүстэр эбит. Валентина Семеновнаҕа бу маннык түбүктээх дьарыга, сүбэтэ-амата дьоҥҥо туһалыы, күүс-көмө буола, үтүөнү аҕала турдун диэн баҕа санаабытын тиэрдэбит! Кэпсэтииттэн быһа тардыыны улуустааҕы киин библиотека сайтыгар киирэн көрүҥ, сүбэлэри тускутугар туһаныҥ!

Эмтээх отунан дьарыктанар Поисеева В.С. -zoom