Тохсунньу 31 күнүгэр Чурапчы киин бибилэтиэкэтигэр «Бастыҥ буочар» бэйэни тургутуу күрэҕэ буолла. Бу тэрээһин Тохсунньу 23 кунэ илиинэн суруйуу күнүн чэрчитинэн сахалыы сурукка бичиккэ болҕомто уурар сыаллаах ыытыллынна.

Кыттааччылар Семён Андреевич Попов-Сэмэн Тумат «Туундара оһоҕо» кэпсээннэр кинигэтиттэн «Ийэ» кэпсээни сыыһата суох, кэрэ буочарынан устан бэйэлэрин тургутан көрдүлэр. Таабырын таайыстылар, оонньоотулар, үөрдүлэр-көттүлэр.

Дьүүллүүр сүбэ ким саамай бастыҥ буочардааҕын хас да критерийинэн көрөн сыаналаатылар. Күрэх түмүгүнэн:

1 миэстэ Борисова Лидия

2 миэстэ Егасова Дария

3 миэстэ Коркина Нарыйаана

Кыттааччылар бары анал аат, туоһу сурук тутан тарҕастылар.