Саас туһунан хоһооннор
Сааскы күн сандаарда!
Сырдаата, сандаарда сааскы күн,
Саҕахтан саҕалаан күндээрдэ,
Суһумнаан эргиччи көрүнэн
Сырдыгы кэриччи тарҕатта!
Үөрэбит күннэтэ көрөртөн
Үүт тураҥ олохпут кэрэтин,
Үйэлээх тутулу үксэтэн,
Үлэни дэлэтиэх ылсыһан.
Ыралаах санаабыт ырааһын
Ырылхай буочарбыт көрдөрөр,
Сайаҕас сыһыаны олохтоон
Сааскыга майгыбыт барсыһар.
Чэмэлкэй ып-ыраас санаалар
Тулалыы эйэргиир курдуктар,
Олохтон дьоллоно үөрэрбит
Күн сылаас сыламар тэҥнэспит. (Иннокентий Алексеев)
Сааскы күммүт сандаарда, Сайаҕас сыһыаны эрэйдэ, Салгыҥҥа угуйа сырдаата, Сир иэнин күндүгүн диэтэ. Ыам ыйа саҕаланна, Ыраас санааны түмтэ, Ыллык суоллары куурта, Ырыа тылларын үксэттэ. Үлэ, үөрүү, эйэ холууба Үүнэр күн сүдү мэктиэтэ, Үүнэр маспыт чэлгийэр быһыыта Үтүө быһыыга үөрэтэр эйгэтэ. Наҕыл-намчы кэрэ көстүү Наскылдьыйа хамсаан үөртэ, Нуурал киэһэни санатта, Нарын бэйэтинэн иилии эргиттэ. Махтаныаҕыҥ сир Ийэҕэ, Мааны бэйэтигэр сүгүрүйэ, Мичээрэр сырдык мөссүөҥҥэ, Мөһүүрэлээх дьикти бэйэҕэ! (Иннокентий Алексеев) Сааскы чопчу Сааскы чопчу ырааһын Сандааран, чочуллан Сааска уолу санатар, Ол эрэн ууллан тостуо, Оо, умуллубатын тапталбыт, Чопчу буолан ууллубатын. Күммүт сандааран Чаҕылыччы тыкта, Чалбах суолбун быста, Суолу туораары атыллаат Чалбах чуумпутун аймаатым Мааны массыыналаах уолу Маныы, ымсыыра турдум. Аттыбынан аахайбакка ааста, Эбиитин бадараан ыста, Эрэл санаабын саппаҕырта, Ахсым аттаах Арамааным Ахтабын-күүтэбин диэбитинэн Кууһа, имэрийэ көрүүтэ Күндү эбит доҕоттоор. Сааскы сандаархай күнтэн Хара ачыкыга саһыма, Тула күлүмүнүүр күнтэн, Сайа тыгар күүһүттэн Чопчу лыҥкыныыр ырыатынан Сааһы көрсө тахсыах, Харалдьыкка хаамсыах. (Евдокия Катакова - Чэлгийэ) Саас Чаҕылыйар күннээх саас Чугаһаахтаан эрдэҕэ, Эдэр-сэнэх дьикти саас Эйэргэһэ үөрдэҕэ. Уһуктуоҕа уутуттан Улугурбут айылҕа, Кыйданыаҕа дууһаттан Кыра, ааһар кыһалҕа. Өлбүт тиллэр күннэрэ Өрөгөйөөхтөөн эрэллэр, Олох тыллар кэмнэрэ Оргуйаахтаан иһэллэр. Күммүт үөһэ кыырайан Күүрээнинэн көҕүттэ, Онтон тэптэн уох айан Ойуоккалыы көтүттэ. Үөһэ ойбут үрүҥ күн Үмүөрүттүн үтүөнү, Үөмэн кэлбит саҥа күн Үөрдүтүөхтүн үөрүүнү! (Дмитрий Федоров – Оһуохай уола) Саас кэллэ Хаар суорҕан арыллар Кэмнэрэ үүннүлэр, Сүрэҕи долгутар Хартыына арыллар, Саас кэллэ, саас кэллэ, доҕоттоор, Көр эрэ, күн үөрэн мичээрэр. Күндээрэ-күндээрэ Күнүһүн ириэрэр, Туланы киэргэттэ Чаҕыл күүс ыһыллар, Саас кэллэ, саас кэллэ, доҕоттоор, Көр эрэ, күн үөрэн мичээрэр. Ахтылҕан аргыстаах Көтөрдөр кэлэннэр Этэр тыл алгыстаах Тойугар киирэллэр, Саас кэллэ, саас кэллэ, доҕоттоор, Көр эрэ, күн үөрэн мичээрэр. (Иван Попов - Байдам) Саас кэллэ Сахам сирин үрдүнэн Сандал сааһым эргиллэн Сааһырбыт сүрэҕим нүөлүйдэ, Сааскы эрдэһит чыычаахтар Сайдам ырыа ыллыыллар, Саллар сааспар кыайтарбатах Сылбын-хонукпун сааһылаан, Сахам сирин сааскытын Сиккиэр тыал буоламмын Сыныйан көрүөхпүн баҕардым, Сыһыыларбар, хонууларбар тиийэммин Сир ийэбин киллэрэн Салгыбакка айыахпын хайдаҕый? (Елизавета Сивцева – Күндэйэ) Саас кэллэ, саас кэллэ Күммүт күлүмэ умайда, Урсун илин иитэ күндээрдэ, Сырдык халлаан мичилийдэ, Оо, күн күндүтэ кыырайда. Көмүрүө хаарбыт суһума Күндээрэ ирбинньиктээтэ, Күлүм-чаҕыл мичээринэн Күллэ-үөрдэ, кустуктаата. Суолбут харата таҕыста, Тыабыт көмнөх түһэрдэ, Чуопчаар таммах чугдаарда Тохтор торҕо оҕуруолаан. Көмүрүө хаарга чөҥөрө Кэҥэтэннэр, сүр элбээннэр, Сотору ырыа үрэхтэр Кылыйаахтыы көтүөхтэрэ. Көтөр-сүүрэр мустуоҕа, Күөнэх көбөн чалымныаҕа, Күннүүн оонньоон көрүлүөҕэ, Кулунчукпут дьэ кистиэҕэ. Мууска хаҥкылаан, сырылаан, Оҕо аймах айдаарар, Орох анньан хайыһардаан, Хаалыктанан сүр хааман Чэбдигирэбит биһиги. (Пелагея Игнатьева - Намыына) Санаа үөрэр сааһы көрсө
Күлүм күммүт
Күндүл сыдьаай
Күөнэхтээтэ,
Кэрэ кыыстыы
Кэмчиэрийдэ,
Тырымнаата,
Намыын-намыын
Нарын иэйии
Налыйда,
Чэгиэн салгын,
Чэбдик дьыбар,
Чэлгиэн сайа
Дьарбайда,
Турук-эрчим
Күүһүрдэ,
Кырдьаҕас эбэ
Таһырдьа
Таласта,
Маҥан хаарбыт
Хапсыйда,
Көмнөх-чөмөх,
Кэрии-сыһыы,
Кыырпах күлүм
Килэрийдэ,
Көмүрүө-кыырпах
Чиҥээтэ,
Сылбыт моҕойо
Айаҕын атта,
Атаахтатан
Оҕолору олорто,
Баҕана бэргэһэтэ
Эллэннэ,
Тойуксут олорбут
Оллоонноон,
Оймуур хаарга,
Чигдигэ
Доллоһуйда
Тойуга.
Ойор күннээх
Оҕо-аймах
Хаҥкылаата,
Сыыртан
Сылбах курдук
Сырылаата,
Сылам күҥҥэ,
Сааскыга,
Өрөбүл күн
Көрүлээтэ.
Нарын хатыҥ
Күөгэлдьийдэ,
Чыычаахтардыын
Үҥкүүлээтэ,
Ыкса ыалыныын
Харыйалыын
Ханыыласта,
Доҕор-атас дэһистэ,
Күлүөх-үөрүөх
Кустук кыыма
Кутулунна,
Кэрэ кэммит
Дьикти сааспыт,
Эргийдэ! (Пелагея Игнатьева - Намыына)