Буойун, учуутал, үйэтитээччи
Тохсунньу 31 күнүгэр биир дойдулаахпыт, Аҕа дойду Улуу сэриитин кыттыылааҕа, Саха АССР үтүөлээх учуутала, П.А.Ойуунускай аатынан Судаарыстыбаннай бириэмийэ лауреата, «Хотугу сулус» уордьан кавалера, Чурапчы улууһун Бочуоттаах гражданина Иван Михайлович Павлов төрөөбүтэ 105 сыла.
Буойун, учуутал, үйэтитээччи Иван Михайлович Павлов олоҕо, кини сүҥкэн үлэтэ төрөөбүт дойдуга таптал, бэриниилээх буолуу чаҕылхай холобура буолар. Иван Михайлович Аҕа дойду Улуу сэриитин кыттыылаахтарын сырдык ааттарын үйэтитэн суруйан хаалларбыт кинигэлэрэ история тыыннаах кэрэһиттэрэ, туоһулара буолаллар.