Сэтинньи 8 күнүгэр историк, этнограф, фольклорист, публицист, саха ономастикатын чинчийиини төрүттээччи, Саха АССР үтүөлээх учуутала, уопсастыбаннай диэйэтэл, Бүлүү улууһун ытык киһитэ Михаил Спиридонович Иванов-Багдарыын Сүлбэ төрөөбүтэ 95 сыла.

1928 сыллаахха Нурба улууһун I Ньурба нэһилиэгэр күн сирин көрбүтэ.1945 сыллаахха Бүлүүтээҕи педучилищены ситиһиилээхитк бүтэрбитэ, 1955 сыллаахха  Дьокуускайдааҕы пединституту бүтэрэн Кэбээйигэ учууталлаабыта, онтон 1958-1974 сылларга Бүлүү педучилищетыгар дириэктэрдээбитэ. Бүлүүгэ үлэлиир сылларыттан Саха сирин араас сирдэрин ааттарын үөрэтиинэн научнай хайысхалаахтык дьарыктанан саҕалаабыта. Саха сирин бүтүннүүтүгэр кэриэтэ уонна Магадан, Амур, Чита, Иркутскай уобаластарыгар, Хабаровскай, Красноярскай кыраайдарга сахалар олорбут сирдэригэр сылдьан мунньубут, отуттан тахса сыллаах үлэтин түмэн топонимистикаҕа сыһыаннаах уонча кинигэни бэчээттэппитэ.
Багдарыын Сүлбэ саха оҕотун саҥатын үөрэтэн түмэн хас да кинигэни суруйбута, Саха Сиригэр репрессия аҕалбыт алдьархайын киэҥник арыйар икки кинигэлээх, Саха Сирин топонимикатыгар үгүс научнай уонна научно-популярнай кинигэлэри суруйбута.Багдарыын Сүлбэ сүрүн кинигэлэрэ:«Атах туппай». — Дь., 1967.«Мэҥэ ааттар». — Дь., 1979.«Дойду сурахтаах, алаас ааттаах». — Дь., 1982.«Сири сиксигинэн». — Дь., 1985.«Топонимика Якутии. Краткий научно-популярный очерк». — Якутск, 1985.«Ис иhигэр киирдэххэ» — Дь., 1989.«Олох долгуна». — Дь., 1992.«Аал уоту оттунан». — Дь., 1992.«Ыал ийэтинэн». — Дь., 1994.«Үс… Сэттэ… Тоҕус…». — Дь.: 1998. — 192 с.«Топонимика Якутии: краткий научно-популярный очерк». — Изд. 2-е, испр. и доп. — Якутск, 2004.«Топонимика Якутска и его окрестностей» // Город Якутск: история, культура, фольклор. — Якутск: «Бичик», 2007.«Cири-халлааны кыйа анааран». — Дь., 2008. — 288 с.«Аатта тал». — Дь.: «Бичик», 2011.«Улуустар ааттара». — Дь.: «Бичик», 2001.«Түгэх өбүгэлэр». — Дь.: «Бичик», 2011. — 256 с.