Е.А.Борисов аатынан киин бибилэтиэкэ нэдиэлэтээҕи сонуннарын билсиҥ

Тохсунньу 31 күнүгэр “Умсулҕан” куруһуок кыттааччылара хатайдааһын ньыматынан сахалыы «Олбох» оҥоһуннулар. Бастаан туттар матырыйаалларын үөрэтэн, сөп түбэһэр ойууларын таларга салайааччы М.Н.Захарова көрдөрөн, быһааран биэрдэ. Түмүгэр бары олус тупсаҕай көстүүлээх олбох оҥостон, астынан тарҕастылар.

Олунньу 3 күнүгэр Чурапчы улууһун оскуолаларын бибилэтиэкэрдэрин ааспыт сыл түмүгүнэн уонна быйылгы сыл соруктарынан уопсай мунньаҕа буолла. Бу күн киин бибилэтиэкэ үлэлиир сайтын, электроннай балаһатын хайдах туһаналларын туһунан Н.Н. Аммосова кэпсээтэ, ону тэҥэ оҕо бибилэтиэкэтин сэбиэдиссэйэ О.Г. Эверстова оҕону сахалыы тылынан ааҕарын көҕүлүүр киин «Төрөөбүт тыл биһигэ» сыллааҕы былаанын билиһиннэрдэ.

Бу күн Дьокуускай куорат колледжын устудьуоннара олимпиада кыттыылаахтара Е.А.Борисов архыып-бибилэтикэтин, фондатын кытта билистилэр, сэдэх кинигэлэр, араас сувенирдар быыстапкаларын интэриэһиргээтилэр, сэргээн көрдүлэр

Улуус мунньаҕын тыа хаһаайыстыбатыгар уонна социальнай политикаҕа комиссиялара Е.А.Борисов бибилэтиэкэ-архыыбыгар мустаннар 2026 сыллааҕы былааннарын сүбэлэстилэр.

Олунньу 5 күнүгэр И.Н.Винокуров аатынан “Айылгы” норуот айымньытын дьиэтигэр Саха сиригэр култуура сыла биллэриллибитинэн Чурапчы улууһугар култуура сылын үөрүүлээх аһыллыыта буолла.

Бу күн улуус кииннэммит бибилэтиэкэлэрин ситимин үлэһиттэригэр аналлаах искусственнай интеллегынан туһаныы сүрүн өйдөбүллэрин үөрэтии маастар кылааһа буолла. Манна хас биирдии бибилэтиэкэрдэр үлэлэригэр наадалаах араас платформалары  туһанарга үөрэннилэр. Маастар кылааһы цифровой технология салаатын специалистара И.И.Бушков, Е.В.Иннокентьев ыыттылар.

Олунньу 6 күнүгэр В.С.Соловьев — Болот Боотур аатынан Хатылы орто оскуолатын 7 уонна 9 кылаастарын үөрэнээччилэрэ бибилэтиэкэни кытта билистилэр.