Е.А.Борисов аатынан киин бибилэтиэкэ нэдиэлэтээҕи сонуннара

Олунньу 25 күнүгэр “Чурапчы” айар түмсүүтүн чилиэнэ биир дойдулаахпыт хоһоонньут, үлэ бэтэрээнэ Иннокентий Илларионович Алексеев «Тэбэнэттэр» хомоҕой хоһооннорун 4-с кинигэтин биһирэмэ буолан ааста.

Оскуола алын, орто сүһүөх уонна улахан кылааһын бүтэрэр оҕолор бибилэтиэкэҕэ кэлэн өйдөбүнньүк хаартыскаҕа түһүүлэрэ үтүө үгэс буолла.

Олунньу 26 күнүгэр «Бары бииргэ ситиһиигэ «Академия успех вместе» диэн киэҥ далааһыннаах аан дойдуну хабар ситим көрсүһүүтүгэр компания бриллиана Изабелла Кондакова уонна компания үрүн көмүһэ Евдокия Андросова кэлэн сиһилии кэпсээтилэр, билиһиннэрдилэр. Саҥа буруолуу сылдьар продукцияларга дегустация тэрилиннэ.

Бу күн И.Н.Винокуров аатынан «Айылгы» норуот айымньытын дьиэтигэр аҕам саастаах дьоҥҥо аналлаах социальнай туризм тэрээһинигэр ааҕааччыыны кытта үлэлиир салаа бибилэтиэкэрэ Маркова В.Е. бэйэтэ хомуйан оҥорбут эмтээх отторунан быыстапка туруорда.

Олунньу 27 күнүгэр тэрилтэлэр икки ардыларыгар сылын аайы ыытыллар “Чурапчы чараӈа-2026» бэстибээлгэ киин бибилэтиэкэ үлэһиттэрэ кыттыыны ыллылар.

Бу күн киин бибилэтиэкэ ааҕар саалатыгар култуура салаатын үлэһиттэригэр аналлаах аныгы олох тэтиминэн искусственнай интеллект куурсугар маастар кылаас буолла. Маастар кылааһы киин бибилэтиэкэ специалистара И.И.Бушков, Е.В. Иннокентьев ыыттылар.