Бүгүн Е.А.Борисов аатынан архыып библиотека “Үүн-сайын” медиалабораториятыгар олус диэн интириэһинэй маастар-кылаас буолан ааста. Аныгы технологиянан толору олохпут син биир гаджеттары кытта алтыһыынан арыалланар. Сотовай телефон биир үчүгэй өрүтэ күннээҕи чаҕылхай түгэннэри хаартыскаҕа, видеоҕа устуу буолар. Онтон бу материаллары социальнай ситимҥэ таһаарарга сөптөөхтүк бэлэмнииргэ туһунан сатабыл наада. Аан дойдуга куйаар ситиминэн туһанар блогердарга саамай туһаныллар сыһыарыы “CapCut” диэн ааттаах. Бу сыһыарыыга видеону хайдах монтажтыыр кистэлэҥнэрин улуустааҕы “Саҥа олох” хаһыат корреспондена Наталья Сибирякова көрдөрдө уонна үөрэттэ.
Санатар буоллахха “Үүн-сайын” медиалаборатория бу соторутааҕыта арыллан нэһилиэнньэ саҥа технологиялары кытта дьүөрэлээн бэйэтин иллэҥ кэмнэрин сөптөөхтүк атааралларыгар туһуланар.