«Үрүҥ торуоска» акция күнүгэр аналлаах киин библиотека тэрийиитинэн истиҥ көрсүһүү буолан ааста.

  Хас сылын аайы алтынньы 15 күнүгэр «Үрүҥ торуоска» Аан дойдутааҕы күнэ бэлиэтэнэр.
«Үрүҥ торуоска» акция күнүгэр аналлаах киин библиотека тэрийиитинэн истиҥ көрсүһүү буолан ааста.
  Баҕа санааларын тиэртилэр Чурапчы улууһун Физическэй култуураҕа уонна спортка салаатыгар адаптивнай хайысха исписэлииһэ И.К Матвеев, кииннэммит библиотечнай ситим методическэй отделын сэбиэдиссэйэ Д.П.Егасова, олохтоох дьаһалта доруобуйаларыгар хааччахтаах дьону уонна бэтэрээннэри кытта үлэлиир исписэлииһэ М.П. Матвеева.
Ааҕааччыларбыт Дириҥтэн Н.М.Старостин, Хатылыттан Г.П.Павлов истиҥ ырыаларын бэлэхтээтилэр.
  Араас сылларга библиотека ыыппыт тэрээһиннэрин, куруутун көхтөөхтүк кыттар дьоммут ситиһиилэрин хаартыскаларынан көрдүбүт, кэрэ кэмнэри санаһан аастыбыт.
Инники ыытыллар тэрээһиннэр тула сэһэргэстибит.