Ымсыы
- Биирдэ көппүт ымсыы умнуллубат.
- Босхону аара сомсон ааһар абылаҥнаах.
- Иҥсэ соҕотоҕун сылдьыбат, атын оботтон сиэттэриилээҕинэн күүстээх.
- Иҥсэ көстүбэт кирбиилээх, обот муҥурдаммат уораҕайдаах.
- Ордугурҕаһыы ойуччу тутуллара охсуулаах.
- Ситиһиллибэтэх баҕа ымсыылаах.
- Соҕотох айаҕын эрэ харанаары олорор киһи дьон өйдөбүлүгэр суолун хаалларбат.
- Түөкэй икки атахтаах арахсыбат аргыһа.
- Түөкэй түөкүнтэн уратыта, хараҥаҕа харбыаласпат.
- Сэмнэх сыта сиэмэхтэри ыраахтан угуйар.
- Тылынан дьаҥсыыртан иҥсэ-обот уодьуганаммат, эбии күөртэнэр.
- Чычаас ычаҕа быстах түгэни омос туһаныы ымсыылааҕын иһин, охсуллуута ыарыылаах.
- Тиниктээх бүлтэһи манатарга баайыллыбыт ыт сыраана тохтообот. Быаны быһары билбэтэ быыһыыр.