«Ыал саргыта» улуус пилотнай бырайыагын чэрчитинэн ыытыллар «Ааҕар саха сайдам ыала» күрэх бастакы түһүмэҕэ «Дьиэ кэргэн — ийэ тыл биһигэ» — өй оонньуута буолла.
Кулун тутар 5 күнүгэр Е.А.Борисов аатынан киин бибилэтиэкэҕэ «Ыал саргыта» улуус пилотнай бырайыагын чэрчитинэн ыытыллар «Ааҕар саха сайдам ыала» күрэх бастакы түһүмэҕэ «Дьиэ кэргэн — ийэ тыл биһигэ» өй оонньуута буолла. Тэрээһин саҕаланыытыгар бу пилотнай бырайыак туһунан сиһилии кэпсээтэ ааҕааччыны кытта үлэлиир салаа сэбиэдиссэйэ Е.Н.Дьячковская, ону тэҥэ оҕо бибилэтиэкэтин иһинэн оҕо төрөөбүт тылынан ааҕарын көҕүлүүр «Төрөөбүт тыл биһигэ» диэн киин туһунан кэпсээтэ, билиһиннэрдэ оҕо бибилэтиэкэтин сэбиэдиссэйэ О.Г. Эверстова. Кэлбит кыттааччыларга Чурапчы улууһун дьаһалтатын социальнай коммуникацияларын отделын салайааччыта А.А . Пермякова бэйэтин эҕэрдэтин тиэртэ. Музыкальнай эҕэрдэтин хомус дьүрүскэн тыаһынан А.П.Гоголев аатынан оҕо ускуустубатын фольклорга учуутала Р.В.Петрова киэргэттэ. Быйылгы күрэх бастакы түһүмэҕэ Саха суруйааччыларын уонна айымньыларын тустарынан буолла. Күрэххэ уопсайа 11 дьиэ кэргэн күрэхтэстилэр. Дьүүллүүр сүбэнэн үлэлээтилэр: А.А.Пермякова уонна О.Г.Эверстова. Кыттааччылар олус көхтөөхтүк кыттан маннык түмүк таҕыста. Алын кылаастарга: 1 миэстэ Сайаана, Алена Седалищевтар, 2 миэстэ Нарыйаана Березкина, Чэмэлиинэ Семеновна, 3 миэстэ Алгыстаан, Туйаара Толстоуховтар буоллулар. Орто сүһүөхтэргэ: 1 миэстэни ыллылар Карина, Анна Листиковтар, 2 миэстэ буоллулар Мичил, Анна Давыдовтар уонна 3 бочуоттаах миэстэни ыллылар Сандаара, Наталия Захаровтар.
Күрэс иккис түһүмэҕэ дьиэ кэргэн олимпиадата муус устар ыйга ыытыллыаҕа. Айымньылар испииһэктэрин угабыт
