Ыам ыйын 6 күнүгэр Е.А.Борисов аатынан киин бибилэтиэкэҕэ Норуот үөрэҕириитин туйгуна, Саха Өрөспүүбүлүкэтин үтүөлээх үлэһитэ, Саха Өрөспүүбүлүкэтин учууталларын учууталлара, Саха Өрөспүүбүлүкэтин физическай культуратын уонна спордун туйгуна Владислав Николаевич Кривошапкин “Чурапчыга Кыайыы Параадын” историятын кэрэһэлиир хаартыскаларын быыстапката үөрүүлээх арыллыыта буолла.Владислав Николаевич «Боотур Уус» стадиоҥҥа ыытыллыбыт Кыайыы парааттарын 2015 сылтан 2024 сылга диэри хаартыскаҕа түһэрбит 400-тэн тахса үлэлэрин киэҥ эйгэҕэ көрдөрүүгэ тахсыбатах хаартыскаларын бибилэтиэкэҕэ бэлэх уунна. Онтон 150 хаартыска талыллан, бэчээттэнэн быыстапкаҕа турда. Хас биирдии быыстапкаҕа кэлбит ыалдьыт бэйэлэрин, чугас аймахтарын, оҕолорун, сиэннэрин хаартыскаларга көрөннөр астыннылар.Быыстапка арыллыытыгар Чурапчы улууһун баһылыгын социальнай боппуруостарга солбуйааччы М.Ф.Кронникова, Чурапчы нэһилиэгин тыа сирин түөлбэтин баһылыга  В.Д.Сивцев, Чурапчы улууһун үөрэҕин управлениятын начальнигын солбуйааччы А.Б.Моисеева, С.А.Новгородов аатынан Чурапчытааҕы орто оскуола дириэктэрэ М.С. Игнатьев, Чурапчы улууһун Бочуоттаах олохтооҕо, Кыайыы параадын солбуллубат хамандыыра С.И. Никитин, Мырылаттан төрүттээх аймах-билэ дьоно кэлэннэрэҕэрдэлэрин, истиҥ тылларын, махталларын тириэртилэр.Быыстапка ыам ыйын 21 күнүгэр диэри туруоҕа. Кэлин, көрүҥ, сэргээҥ диэн ыҥырабыт.