«Төрөөбүт тылбыт — барҕа баайбыт»
Олунньу 13 күнүнэр «Төрөөбүт тылбыт — барҕа баайбыт» төрөөбүт тыл уонна сурук-бичик күнүгэр аналлаах эдэр, орто уонна аҕа саастаах көлүөнэлэр икки ардыларыгар тылы билиигэ тургутук буолла. 3 хамаанда күөн күрэстэстилэр «Ситим» (эдэрдэр хамаандалара), «Урааҥхайдар» (орто саастаахтар хамаандалара), «Убайдар» (аҕа саастаахтар хамаандалара). Күрэстэһээччилэр 5 түһүмэҕинэн С.А.Новгородов олоҕуттан, тыл суолтатын быһаарыыга, аман-өс араатардыыр маастарыстыбаҕа, уус-уран тута хоһуйууга тургутугу аастылар. Дьүүллүүр сүбэҕэ үлэлээтилэр: «Чурапчы улууһа муниципальнай оройуон» баһылыгын социальнай боппуруостарга солбуйааччы М.Ф.Кронникова, Е.А.Борисов аатынан киин бибилэтиэкэ Борисов-киинин сэбиэдиссэйэ В.А.Платонова, «Айылгы» норуот айымньытын дьиэтин «Ай» норуодунай устуудьуйа салайааччыта А. М.к. Пинигина, Чурапчы улууһун култуураҕа салалтатын «Олоҥхо» салаатын специалиһа И.Б.Каженкин. Тыҥааһыннаах киирсии түмүгүнэн кыайыылаах аатын ылла «Ситим» хамаандата, 2 миэстэ буоллулар «Убайдар», 3 бочуоттаах миэстэҕэ тигситилэр «Урааҥхайдар».
