Талаан – киһи аайы бэриллибэт ураты дьоҕур
- Талааннар ньүөл кырыстан тахсаллар.
- Сиртэн-буортан сомоҕо көмүстэр, күндү таастар өрө көбөллөрүн курдук, талааннар норуоттарын үөскүүллэр. (Суорун Омоллоон)
- Дьиҥ талааннаахтар бэйэлэрин ситиһиилэринэн хаһан да толору дуоһуйбаттар.
- Талаан үрдүккэ-үтүөҕэ ыҥырар, норуокка туһалыыр үрдүк аналлаах. (Софрон Данилов)
- Дьиҥ талааннаах киһи баҕата, дьулуура кини айар үлэтин мэлдьи куотан, инники угуйан иһэр. (Амма Аччыгыйа)
- Ураты талааны айылҕа анаан иитэн, уһуйан, киэргэтэн таһаарар. Бу — дьиэ кэргэн, аймах-билэ дьон, бүтүн норуот духуобунай, интеллектуальнай баайа, киэн туттуута.
- Ураты талааннаах дьон төннөн кэлэллэр. Кинилэр талааннара удьуор утумугар эргиллэн кэлэ туруон сөп.(Эдьиий Дора)
- Өйдөөх киһи өйүттэн эрэйдэнэр, талааннаах киһи – талааныттан. (К.Д.Уткин –Нүһүлгэн)