Профессор Г.П. Башарин аатынан орто оскуолаҕа 19-с Башаринскай ааҕыылар буоллулар. Бу конференция программатыгар киирэн Г.П.Башарин «Үс саха реалист-сырдатааччыта» кинигэ презентацията учуонай төрөөбүт нэһилиэгэр буолан ааста. Үгүс киһи тыл эттэ, бары истиҥ махталларын Зоя Константиновна, Карл Георгиевич Башариннарга эттилэр, кинигэ улахан суолталааҕын бэлиэтээтилэр. Презентацияны нэһилиэк библиотекатын сэбиэдиссэйэ Аммосова Анастасия Васильевна ыытта.