Сир үрдүктээҕин-намыһахтааҕын кэриэтэ, киһи араас майгылаах
- Сэмэйдик туттуу, сылдьыы, сэмэй үөрэх, сэмэй үлэ, сэмэй олох суолуттан туораабыт дьоннор сир өппүттэрэ, үчүгэйгэ тиийбиттэрэ диэн суох. (Күннүк Уурастыырап)
- Куттал диэн кулут муҥа,
Хоһуун өлөр өстөөҕө,
Куһаҕан эрэ дьоҥҥо
Куйах буолан көстүөҕэ.
- Киһи эриэнэ иһигэр,
Сүөһү эриэнэ таһыгар,
Кирдьик бааллар дьиккэрдэр
Үтүө дьон ортотугар.
Таптаа, эн, ол эрээри
Бары дьону долгуйа:
Син биир дьонтон үөрэриҥ
Хомойоргун баһыйыа.
- Күлүҥ!
Үөрүҥ, эдэрдэр,
Күлүү-сүрэх ырыата;
Чэгиэн-чэбдик сүрэхтэн
Күлүм күлүү кытыастар. (Семен Данилов)
- Уордаах улуу муораны
Кыра тыылар туораабаттар,
Улуу,үтүө дьыаланы
Оҥорботтор куттастар. (Иван Гоголев-Кындыл)
- Биир киһи баламат быһыытынан
Буруйдуу санаама бар дьоҥҥун.
- Кытаанах буол. Кытаанах
Сыыспыт да күннэргэр.
Саҥа күүһү була сатаан
Алҕаскын билинэргэр.
Доҕор, атас хайаан да
Өйүү, өйдүү сатыаҕа.
Кыһытан, сиилээн да ааһар
Эйиигин суолгар көрсүөҕэ.
- Киһи киһилиин өстөһөр,
Мөккүһэр, иэстэһэр.
Билэбин: кыайыаҕа
Кырдьыга, сырдыга.
- Орто дойду киһитэ
Тугу эрэ итэҕэйэр.
Туохха эрэ таҥаралыы
Кини үҥэр-сүктэр.
Сорох – үтүө өрөгөйүгэр,
Киһи киһиэхэ дьон,олох
Үтүөнэн эргийэллэр.
Өһүөннэһэр сордоох
Эрэй-муҥ эҥэрдэнэр.
- Күүтүү – дьахтар анала
Былыыр-былыргыттан.
- Кыра да үтүө сороҕор
Киһиэхэ наада буолар. (Наталья Харлампьева)
- Кыраҕар, кыаммаккар
Сэниир дьон үгүстэр,
Ыалдьыбыт, буомурбут кэмнэригэр
Кэпсэппэт, сэҥээрбэт
Кэмэ суох элбэхтэр.
- Икки атахтаах Орто дойдуга
Олох олорорун тухары
Омнуо майгытыттан
Отох дьылҕаланар. (Семен Маисов)
- Киһи барыта үчүгэйдээх,
Хайаан да туох эрэ кэрэлээх,
Ханнык даҕаны бүтэйбиккэ
Туох эмэ да кыламныыр эбээт. (Сардаана Амгинская)
- Ордугумсах киһи биир да үлэни ис дууһатынан суобастаахтык, кэскиллээхтик, үйэлээхтик оҥоро сатаабат. Оҥорор да кыаҕа-дьоҕура суох. Ордугумсах дьон дууһаларын түгэҕэр олохтон астыммат буолуу сыыйа-баайа үөскүүр уонна улам-улам улаатан иһэр. (Михаил Алексеев)