«Сэрии дуораана» Чурапчы буойун суруйааччыларын айымньыларын аудио хомуурунньуга
Аҕа дойду Улуу сэриитигэр Ийэ дойдуну өстөөхтөн көмүскүү саа-саадах тутан 25 саха суруйааччыта туруммуттара, олор истэригэр Чурапчы оройуонуттан биир дойдулаахтарбыт, суруйааччылар кыттыбыттара. Саха суруйааччыларын сытыы бөрүөлэрэ өргөстөөх ыстыыкка тэҥнэспитэ. Сэрии алдьархайдаах иэдээнин, тыйыс, хабыр хапсыһыылары дьиҥ кырдьыгынан суруйбуттара, сытыы-өргөс тыллара дьону, норуоту кыайыыга, көҥүлгэ кынаттаабыттара.
Күндү ааҕааччыларбыт! Чурапчы буойун суруйааччыларын сэрии кэминээҕи уонна эйэлээх олоҕу туойбут үтүөкэннээх айымньыларын истиҥ, сэргээҥ!
Башарин Виктор Ильич (1921-1984)
Бродников Алексей Спиридонович (1917-1998)
Макаров Гавриил Иванович — Дьуон Дьаҥылы (1914-1956)
Саввин Степан Афанасьевич — Күн Дьирибинэ (1903-1970)
Соловьев Василий Сергеевич-Болот Боотур (1915- 1993)
Слепцов Николай Дмитриевич-Туобулаахап (1912-1964)
Хомуурунньукка киирбит айымньылар
- Көмүс далаһа / В.И. Башарин, В.В. Башарина, Л.И. Лазарева, М.И. Винокуров. – Дьокуускай : Офсет, 2015. – 192 с.
- Виктор Башарин. Алаһа дьиэбэр. – Якутскай, 1969.
- Хомурахтаах мин дойдум : [хоһооннор, сатира] / Василий Соловьев – Якутскай : Саха сиринээҕи кинигэ изд-вота, 1965.
- Айылгы туонабар : хоһооннор, поэмалар / Алексей Бродников ; [аан тыл авт. Сэмэн Тумат ; Е. И. Третьякова уруһуйа]. — Якутскай : Саха сиринээҕи кинигэ изд-вота, 1987. — 278 с.
- Дьуон Дьаҥылы. Хоһооннор, поэмалар / Дьуон Дьаҥылы. — Якутскай : Кинигэ изд-вота, 1974. — 366 с.
- Күн Дьирибинэ. Талыллыбыт айымньылар / Сост. С.А.Попов. — Якутск : Кн. изд-во, 1975. — 176 с.
- Слепцова, Анна Дмитриевна. Суруйааччы Ньукулай Туобулаахап / А.Д. Слепцова-Туобу Аана, В.Г. Слепцова-Санаа. Дьокуускай : Бичик, 2008.