Саха биллиилээх фольклориһа, этнограба, кыраайы үөрэтээччи, учуутал Андрей Андреевич Саввин-Өндөрүүскэ Саабын төрөөбүтэ 125 сыла. Кини Боотурускай улуус II Хатылы (билиҥҥитинэн Болтоҥо) нэһилиэгэр 1896 сыллаахха сэтинньи ый 21 күнүгэр төрөөбүтэ. 1920-1937 сс. советскай үлэҕэ, эргиэҥҥэ, ыччаты үөрэтиигэ-иитиигэ үлэлии сылдьыаҕыттан оройуонун кырдьаҕастарын баттаһа фольклору хомуйуунан дьарыктаммыта, кэлин салгыы научнай эйгэҕэ киирэн, ону кэҥэтэн активнайдык үлэлээн барбыта. 1938 сылтан экспедицияларга кыттан үгүс оройуоннарга сылдьан талба талааннаахтартан олоҥхолору, остуоруйалары, үһүйээннэри, сэһэннэри, былыргы чабырҕахтары, ойуун кыырыыларын, сиэрдэри-туомнары, олоҥхолору, таабырыннары, ырыалары, тойуктары илиитинэн суруйбута.
Андрей Андреевич Саввин тиһэх сылларыгар Чурапчытааҕы кыраайы үөрэтэр музейга бастакы директорынан үлэлээбитэ.
Билигин биэс сүүстэн тахса хомуйбут матырыйааллара Россия АН Сибиирдээҕи салаатын гуманитарнай чинчийиигэ уонна аҕыйах ахсааннаах хотугу норуоттар проблемаларын институтугар хараллан сыталлар.

Кыраайы үөрэтээччи, фольклорист-этнограф, А.А. Саабын — Өндөрүүскэ Саабын

«Кыраайы үөрэтээччи, фольклорист-этнограф,
А.А. Саабын — Өндөрүүскэ Саабын»
А. А. Саввиҥҥа аналлаах виртуальнай кинигэ быыстапката.

Виртуальнай кинигэ быыстапката