Саҥа сылы хайдах көрсөбүт?
Саҥа сылы көрсөрбүт олох аҕыйах күн хаалла. 2026 сыл илиҥҥи халанадаарынан уот кыһыл ат сыла буолар. Кини көҥүлү, эрчими, инники күөҥҥэ буолары ордорор. Онон кэлэр сыл уларыйыылары түргэнник ылынар эрчимнээх дьоҥҥо дьолу тосхойуо.
Восточнай гороскоп быһыытынан саҥа 2026 сылга дьиэни хайдах киэргэтиэххэ сөбүй?
Дьиэни киэргэтии көҥүлү, итиини сөбүлүүр ат энергетикатын өйүүр ньыманан буолар. Ол курдук айылҕа элеменнэрин — мас, керамика туттуҥ. Сымнаҕас, сылаас, сырдык уонна бэйэбит илиибитинэн оҥоһуллубут киэргэл ордук дьоһуннаах буолуоҕа.
Киэргэтиини киирэр сиргиттэн саҕалаа -дьолгутун дьиэҕитигэр ыҥырыҥ. Харыйа лабааларыттан сибэкки, хатарыллыбыт апельсин уонна кыһыл бархат лиэнтэлэрдээх ыйанар киэргэл оҥоруоххутун сөп. Подкованы «муостарынан үөһэ» дьиэ ааныгар ыйаан.
Саалаҕа дьиэ сүрэҕэр — үөрүүлээх, тупсаҕай атмосфераны тэрийэр суолталаах. Араас декоративнай кыһыл өҥнөөх сыттыктарынан уонна тематическай композициялары оҥоруоххутун сөп. Холобур: чүмэчи, харыйа лабааларын, эриэхэ уонна цитрус, сылаас өҥнөөх гирляндалары, фонариктары туттуҥ.
Утуйар хос — сынньалаҥ сирэ. Манна наһаа чаҕылхай буолуо суохтаах. Утуйар таҥаска сылаас тоннары туттуҥ, табыгастаах гирлянданы уонна баҕардаххына тематическай элеменнары эбэн биэриҥ.
Саҥа сылы көрсө дьиэбитин хайдах өҥнөрүнэн киэргэтэр ордугуй?
Уот Сылгы сыла кэлэринэн, уот курдук дьүһүннэр баар буолуохтаахтар.
Кыһыл — кини табыллыыны, энергияны көрдөрөр. Кыһыл дьүһүн ис күүһү уһугуннарар уонна хорсун быһыыга көмөлөһөр.
Көмүс — баайы, ситиһиини, сайдыыны, көмүскэниини кытта ситимнээх. Кыһыл энергияны күүһүрдэр, ордук карьернай үүнүүгэ уонна үп-харчы туруктаах буолуутугар дьулуһар.
Оранжевай уонна саһархай — үөрүүнү, кэпсэтиини уонна өрө көтөҕүүнү көрдөрөллөр. Ол-күн, төлөн өҥө, дьолу-соргуну, саҥа идеялары тардар.
Уот кыһыл өҥө аһара барбатын туһугар айылҕа, нейтральнай өҥнөрүнэн тэҥнээн биэриэххэ сөп. От күөх дьүһүн,сибиэһэй буолууну эбиэҕэ, сылаас бежевай, сымнаҕас тэтэркэй уонна персик өҥнөрө уоскулаҥы өйдөбүлү үөскэтиэхтэрэ уонна чаҕылхай акценнаах киэргэллэр тирэх буолуохтара.
Сылгы айылҕаны сыаналыыр, онон айылҕа матырыйаалларын оҥоһуллубут киэргэллэри кэтиэххэ сөп. Ордук барсар сырдык бархат, кыһыл уонна изумруд өҥнөөхтөр, солко, атлас, мас, лен, хлопок, түүлээх, гипюр уонна куруһуба сыл бэлиэтин айылҕа төрүт тутулун тоһоҕолоон бэлиэтиэҕэ.
Саҥа дьыллааҕы харыйаны киэргэтии: Уоттаах Сылы көрсөргө бэлэмнэнэбит
Фэншуй көмөтүнэн саҥа дьыллааҕы харыйа 2026 сыллаахха көннөрү киэргэл буолбакка, дьиэҕэ-уокка сылы быһа сырдыгы эрэ тардар энергетическэй киин буолуоҕа. Кыһыл Уот Сылгыта аһары дьүөрэтэ суох буолууну сөбүлээбэт, айылҕаны ордорор, онон оонньуурдары, матырыйааллары талыыга декорация маннык элеменнэригэр болҕомто ууруохпут.
Натуральнай матырыйааллар. Мастан, өстүөкүлэттэн, ротангаттан, кумааҕыттан, түүттэн оҥоһуллубут киэргэллэри ордоруҥ.
Формалара. Традиционнай ёлка оонньуурдарыгар ат фигуратын эбиэххитин сөп, подковалары, колокольчиктары, сулустары. Ат оонньуурдара — сыл бастыҥ бэлиэтэ, кинилэри саамай көстөр сиргэ ыйыыллар. Подкованы — табыллыы бэлиэтэ дииллэр.
Миэстэ. Оонньуурдаргытын улаханнартан бытархайдарга — алларааттан үөһэ ыйааҥ. Саамай ыарахаттары -төрдүгэр, орто размердааҕы — ортотугар, чэпчэкилэри — төбөтүгэр чугас.
Гирляндалары сылаас өҥнөрү туттар ордук. Чыпчаалын сулус эрэ буолбакка, ат фигуратынан эбэтэр подкованы иилэн киэргэтиэххэ сөп. Харыйа төрдүн таҥаһынан бүрүйэллэр. Фэншуй быһыытынан, харыйаны дьиэ соҕуруу эбэтэр соҕуруулуу-илин өттүгэр туруорар ордук.
Энергия тохтооботун туһугар киэргэллэри тохсунньу 14 күнүгэр диэри хомуйарга сүбэлииллэр.
2026 сыллааҕы көрсүһүүгэ саҥа дьыл остуолун хайдах киэргэтиэххэ сөбүй?
Бырааһынньыктааҕы остуолу туруоруу — бу иһит эрэ тардыы буолбатах. Бу ыалдьыттарга саҥа дьыллааҕы атмосфераны тириэрдии буолар.
2025-2026 сыллар сүрүн хайысхаларынан буолаллар:
Винтажнай истиил уонна ностальгия. Бу хайысха дьиэ кэргэн сервизтарын, былыргы чүмэчи подвечниктарын туһаныы сылаас, дууһалаах атмосфераны үөскэтэр уонна көлүөнэлэри ситимниир. Маннык декорация дьиэ кэргэн үгэстэрин санатыы буолар уонна үчүгэй ахтыылары аҕалар.
Скандинавия истиилэ. Бу истиилгэ натуральнай матырыйааллар уонна эбии деталлар суохтара уратылаах. Фактураларга болҕомто матовай керамикаҕа ууруллар. Сүрүн бириинсип биир идеальнай лабааттан оҥоһуллубут композиция эбэтэр хас да чүмэчи элбэх киэргэли солбуйар.
Натуральнай. Бу ньыма Сылгы айылҕа төрүт тутулугар бэркэ сөп түбэһэр. Сүрүн болҕомтоҕо — айылҕа матырыйаалларыттан оҥоһуллубут киэргэл-оҥоһук : мас подставкалар, лен салфеткалар, керамическай иһиттэр уонна тыыннаах үүнээйилэр. Остуол киининэн харыйа лабааларыттан, хатарыллыбыт апельсинтан эбэтэр рябина үнүгэстэриттэн оҥоһуллубут композиция буолуон сөп.