Алтынньы 31 күнүгэр улуустааҕы киин библиотека ааҕар саалатыгар “Чурапчы – уран тыл биһигэ” диэн антология кинигэ сүрэхтэниитэ буолла. Кинигэни “Чурапчы нэһилиэгэ” муниципальнай тэриллии үбүлээтэ. Кинигэни хомуйан оҥордо ааҕааччыны кытта үлэлиир отдел сэбиэдиссэйэ М.Н. Кузьмина. Кыттыыны ыллылар улуус дьаһалтатын социальнай боппуруостарга солбуйааччы Н.И. Аммосов, нэһилиэк дьаһалтатыттан А.Н. Дьячковскай, М.П. Матвеева, оскуола директордара, саха тылын учууталлара, литературнай түмсүү чилиэннэрэ, общественность. Ыаллыы Таатта улууһуттан “Уран тыл” литературнай түмсүү салайааччыта, чилиэннэрэ ыалдьыттаатылар. Кыттыбыт ыалдьыттар хомуйан оҥорбут авторга баҕа санаа бастыҥын, истиҥ эҕэрдэлэрин анаатылар. Бииргэ үлэлиир коллегалара Н.Г. Захарова уонна библиотека кыргыттарын ансамбыла музыкальнай эҕэрдэлэрин тиэртилэр.