«Саҥа дьылга бэлэмнэнии»
Ахсынньы 26 күнүгэр Е.А.Борисов аатынан киин бибилэтиэкэ ааҕар саалатыгар нэһилиэнньэҕэ сылы түмүктүүр «Саҥа дьылга бэлэмнэнии» маастар кылаастаах тэрээһин буолла. Манна хатайдааһын ньыматынан дьарыктанар Р.Г.Дьячковская кэлэн харыйа симэҕин хайдах оҥорору көрдөрдө, хатайдааһын ньыматынан тугу оҥоруохха сөбүн туһунан кэпсээтэ.
Салҕыы ааҕааччыны кытта үлэлиир салаа бибилэтиэкэрдэрэ В.Е. Маркова эмтээх оттору хатаран чэй, мыыла ону тэҥэ чүмэчи оҥоруутун кэпсээтэ, минньигэс чэйинэн кэлбит ыалдьыттары күндүлээтэ. В.П.Лонгинова уонна А.П.Капрынова саҥа дьыл уһун өрөбүллэригэр, сынньалаҥҥа ханнык кинигэни ааҕыахха сөбүн туһунан, үгүс дьон элбэхтэ уларсар кинигэлэрин ону тэҥэ минньигэс ырысыаптардаах кинигэлэри сүбэлээтилэр.
. Л.Т. Никитина кумааҕыттан кырыллыбыт хаар уонна сулус киэргэллэри кэлбит дьоҥҥо оҥоттордулар. Тэрээһини ааҕааччыны кытта үлэлиир салаа сэбиэдиссэйэ Е.Н.Дьячковская ыытта.
Кэлбит ыалдьыттар астынан, сэргэхсийэн, санаа атастаһан, оҥорбут оҥоһуктарын илдьэ бардылар.
