Аҕа таптала : кэпсээннэр / Василий Гольдеров- Ороһу Уола. – Дьокуускай: Айар, 2022. – 96с.

Ааптар оҕо саастан истиҥ доҕордоһууну, бастакы килбик тапталы, үлэһит туруу олоҕун ойуулуур кэпсээннэригэр быстах быһыы киһи дьылҕатын хайдах алдьатар содуллааҕын, тапталынан сирэйдэнэр сымыйа быһыы-майгы олоххо охсуутун, аҕа уонна ыччат көлүөнэ судургута суох сыһыаннарын туһунан кэпсээннэрэ киирдилэр. Суруйааччы киһи олоҕор көрсөр араас кыһалҕалары күүстээх санааны, дьулуурунан кыайыахха сөбүн лоскуй кэпсээннэригэр итэҕитиилээхтик суруйар.

                Кинигэ ааҕааччы киэҥ араҥатыгар ананар.

Кэмсилгэн: кэпсээннэр, пьеса / Айысхаана. – Дьокуускай: Айар, 2022 – 144с.

                Ааптар “Оҕолор уонна аҕалар” диэн үйэлээх тиэмэҕэ хайа да түгэҥҥэ көнө, сөптөөх суолга, сырдыкка сирдиир ыллык баарын, оҕо оҕоҕо, улахан да киһиэхэ холобур буолар олохторунан, саха ыалын үтүө үгэстэринэн сиэргэ, эйэҕэс, амарах майгыга иитэр кэпсээннэригэр итэҕэтиилээхтик сэһэргиир. Оттон “Былдьаммыт оҕо саас” пьесаҕа сэрии кэмигэр ньуулдьаҕай  саастаах оҕолор кыайыы туһугар хорсун үлэлэрэ патриотическай өйү-санааны уһугуннаран, ааҕааччыны уйадыта долгутуо.

Күһүҥҥү таптал: кэпсээннэр / Айсана – Дьокуускай: “Дани-Алмас”, 2018. – 134с.

                Күннээҕиолох киһиэхэ араас түгэни аҕалар: ардыгар үөрүүлээҕи, ардыгар хомолтолооҕу… Ол барыта мээнэ буолбат, барыта туох эрэ суолталаах, туох эрэ ситимнээх… Ону барытын өйдөөн көрөн, кэрэни кэрэхсии, үтүөнү үксэтэ үөрэниэх. Ааспыты кытта симэлийэн хаалбакка, кэлэри кэлтэйдии кэтээбэккэ, бу бүгүн дьол-сор амтанын билиэх, ол аата олохто олоруох…

                Ааҕааччы киэҥ араҥатыгар ананар.

 Сарбыллыбыт таптал:муммут дьылҕалаах көлүөнэ: сэһэн, кэпсээннэр / Аскаров Алибек, нууччалыыттан тылбаастаата В.Н.Луковцев-Дьурустаан. – Дьокуускай: Айар, 2024. – 192с.

                Сэһэҥҥэ олоххо бэйэтин суолун көрдөнөр эдэр киһи көрсөр араас түгэнэ илэ чахчы, эмиэ да күлүүлээх гына ойууланар. Тыа көнө уола куоракка албыҥҥа, сэрэхтээх быһыыга-майгыга түбэһитэлиир. Үүнэр сааһын, аармыйаҕа соһумар түбэлтэлэрэ кэрэхсэбиллээхтэр. «Мин кимминий, тоҕо табыллыбаппыный?» диэн ис мучумаана, ыарахаттарга бэриммэт дьулуура, эрэлэ ааҕар киһи дууһатын таарыйар, долгутар.

                Уруулуу тыллаах ааптар сэргэх кэпсээннэригэр дьон сыһыана, доҕордоһуу, таптал эгэлгэлэрэ дьүһүйүллэр.

Табыллыбат/табыллыбыт таптал: cэһэн / Татьяна Поскачина- Дьокуускай: Айар, 2021-2022. – 176с.

                «Мэлдьи эн аттыгар буолуом…» Таптыыр сүрэхтэр силбэһэр ыралара итинник эбээт. Ол эрээри өрүкүйбүт иэйии иититтэн тахсыбатах эдэр дьон Дьылҕа Хаан кинилэргэ тугу ирээттээбитин хантан сэрэйиэхтэрэй?

                Дьоллоох олохторун соҕотохто аймаабыт биир түүн… Эбэтэр сыл-хонук устата дьапталлыбыт хом санаа, курутуйуу, өһүргэс хааһаҕын тиһэҕэр тэһэ аспыт бүргэстии, тапталтан кэлэйии…

                Дашалаах Сүнньүөх кылгас эрээри чаҕылхай, истиҥ тапталлара… Женялаах рома кэлэйии кэннинэн чугуруппут, ол эрээри чымаан өй саҥалыы күөдьүппүт тапталлара…

                Этиҥ эрэ, бу дуо, табыллыбыт таптал эбэтэр табыллыбатах таптал?