Саха Өрөспүүбүлүкэтигэр Култуура сылын чэрчитинэн оройуоннар икки ардыларынааҕы семинар-практикум

Кулун тутар 23 күнүгэр Е.А.Борисов аатынан киин бибилэтиэкэҕэ Саха Өрөспүүбүлүкэтигэр Култуура сылын чэрчитинэн оройуоннар икки ардыларынааҕы «Современные подходы к формированию и обеспечению сохранности библиотечных фондов РС(Я)» семинар-практикум буолла. СӨ Национальнай бибилэтиэкэтин пуондатын сүрүн харамнааччыта Алексеева А.А. салайааччылаах делегация консервация уонна реставрация отделын үлэһиттэрэ Ан Чауечи Л.Н., Атласов П.Н., НБ комплектования отделын сэбиэдиссэйэ Скоблова Е.В., научнай-исследовательскай кинигэ пааматынньыктарын киинин сэбиэдиссэйэ Таппырова А.В., научнай үлэһит Захарова Е.И., сүрүн библиограф Максимова Э.М. кэлэн тыа сирин бибилэтиэкэлэригэр фонданы кытта үлэҕэ кинигэни өрөмүөннээһин, харайыы усулуобуйатыгар ирдэбиллэри сиһилии билиһиннэрдилэр, элбэх сүбэни-аманы биэрдилэр, туһааннаах боппуруостарга хоруйдаатылар.

Семинар иккис аҥарыгар кинигэни өрөмүөннээһиҥҥэ, тиһиллибит хаһыаттары харыстыырга анаан хах оҥоруутугар маастар кылаастары ыыттылар. Бу семинарга ыкса сытар Таатта улууһун библиотечнай ситимиттэн бибилэтиэкэрдэр кэлэн кыттыыны ыллылар. Семинар кыттыылаахтара уопут атастаһан, саҥа идеялары ырытыһан, фонданы кытта үлэ ньымаларын билсэн билиилэрин-көрүүлэрин кэҥэттилэр. Элбэх туһалаах, интэриэһинэй тэрээһин буолла. Кэлбит ыалдьыттар бибилэтиэкэни кытта билсэн, экскурсиялаатылар, фонданы кытта билистилэр.