Саха норуодунай суруйааччыта В.Н.Егоров- Тумарча төрөөбүтэ 90 сааһа
Новости
Бүгүн киэн туттар биир дойдулаахпыт, саха норуодунай суруйааччыта, ССРС Суруйааччыларын сойууһун чилиэнэ (1988), Россия уонна Саха сирин Суруйааччыларын сойууһун чилиэнэ, СӨ культуратын үтүөлээх үлэһитэ.Василий Назарович Егоров – Тумарча 90 сааһын бэлиэтиир кэрэ-бэлиэ күнэ.
Василий Назарович олунньу 19 күнүгэр 1935 сыллаахха Чурапчы оройуонун Одьулуун нэһилиэгэр төрөөбүтэ. Дьокуускайдааҕы государственнай университет инженернэй- техническэй факультетын «Горнай инженер-геолог» идэтин бүтэрбитэ. Саха АССР Өймөкөөн оройуонугар, онтон Дьокуускайдааҕы территориальнай геологическай управление тиһигэр үлэлээбитэ. 1984 с. литератураҕа, суруналыыстыкаҕа көспүтэ. Сэттэ сыл «Хотугу сулус» сурунаал литературнай редакторынан үлэлээбитэ. 1991 с. «Кулаада- бааһынай хаһаайыстыбатыгар киирбитэ.
Кини «Соһуччу» бастакы кэпсээнэ («Вдруг», 1977) «Кыым»хаһыакка бэчээттэммитэ. Бастакы сэһэнэ «Кырыыстаах таас» сахалыы кинигэ издательствотыгар 1982 с. тахсыбыта. «Өрүһүнүү» («Возвышение», 1985), «Өбүгэ тыына» («Дух предков», 2010), «Олох ситимэ» («Нить жизни», 1994) ааҕааччы киэҥ сэҥээриитин ылбыт улахан айымньылары суруйбута.
Тумарча айымньыларыгар промышленнай теманы таарыйар, сиртэн хостонор баайы көрдүүр героическай страницалары тилиннэрэр, киһи сиэр — майгы, чуолаан, үүнэр көлүөнэ боппуруостарын көтөҕөр. Саха сирин саҥа историятын киэҥник сырдатар. Билиҥҥи общество актуальнай темаларыгар таһаарыылаах публицист быһыытынан биллэр.
СӨ материальнай производствотын (1993) лауреата, А. Е. Кулаковскай аатынан СӨ Судаарыстыбаннай бириэмийэтин лауреата (2011). Одьулуун нэһилиэгин уонна Чурапчы улууһун бочуоттаах гражданина. РФ Парламенын бэлиэтинэн наҕараадаламмыта (2019).
2020 сыллаахха Саха Өрөспүүбүлүкэтин Баһылыгын Ыйааҕынан Василий Егоров — Тумарча Саха народнай суруйааччыта үрдүк аат иҥэриллибитэ.
Суруйааччы В.Е.Назаров- Тумарча олоҕун уонна айар үлэтин туһунан ааҕыҥ, сэргээҥ!
Василий Назарович Егоров –Тумарча олоҕун уонна айымньыларын тематическай коллекцията Национальнай библиотека сайтыгар :
Тумарча — Егоров Василий Назарович | Национальная библиотека РС(Я)
Тумарча Одьулууннар романын аудиокинигэтэ. Ааҕар Анна Романовна Аржакова, таҥан оҥордо Григорьева Таисия Петровна. Одьулууннааҕы тыа сирин модельнай библиотеката, 2020 . Киирэн истиҥ!
https://new.nlrs.ru/open/81705
«Василий Назарович Егоров – Тумарча» презентацияны көрүҥ, сэргээҥ!
