Аҕа дойду дьоруойдарын бэлиэтиир күнүгэр, ахсынньы 8-9 күннэригэр дойдубут тэбэр сүрэҕэр-Москва куоракка дойдубут үрдүтүнэн ыытыллар Патриотическай форум алтыс төгүлүн ыытыллынна. Бу форумҥа араас регионнартан 1000 тахса киьи кэлэн кытынна, ол быыьыгар Саха сириттэн үһүө буолан сырыттыбыт.Ыытыллыбыт площадкаҕа Российскай Федерация государственнай думатын депутаттара, Президент администрациятыттан, Российскай Федерация Министерстволарыттан бэрэстэбиитэллэр уонна салайааччылар, Россия дьоруойдара, СВО кыттыылаахтара, биллиилээх артистар, суруйааччылар, патриотическай, общественнай тэрилтэлэр, активистар, үөрэҕэрии эйгэтигэр үлэлии сылдьар учууталлар, наставниктар, политологтар,философтар, ыччат тэрилтэлэрин бэрэстэбииттэллэрэ кэлэннэр, патриотическай иитии эйгэтигэр саамай суолталаах боппуруостары дьүүллэстилэр, ырытыстылар.Икки күн устата араас хайысхаларга сарсыардаттан киэһээҥҥигэ диэри сессиялар буоллулар, ол курдук сүрүн болҕомтону оҕо уонна ыччат иитиитигэр уурдулар: сөпкө дойду историяларын чахчыларын тириэрдэргэ, оҕо дойду историятын билэн ытыктыыр туһугар үлэ барыахтааҕын, героизм уонна патриотизм суолтатын өйдүүргэ, наставник суолтатын арыйыы, туризм нөҥүө историяны харыстааһын, ыччаты кытта үлэҕэ саҥа сүүрээннэри туһаныы  уо.д.а сытыы боппуруостарга спикердар санааларын иһиттибит.Тус бэйэм илэ харахпынан дойдубутугар туох буола турара, бу хайысхаҕа үлэлиир салайааччылартан, биллиилээх дьоннортон тиийэн, көрөр-истэр олус долгутуулаах буолла. Өссө эбэн эттэххэ, манна улахан институттар күүстээх чинчийэр үлэ ыыппыттарын кэпсээтилэр, ол түмүгүнэн сүрүн сытыы кыһалҕалар ыччаттартан тутулуктааҕын быһаарбыттар, холобур, дьиэ кэргэн буолуута, демография, үөрэхтээһин, кадр тиийбэтэ бу барыта бастатан туран дойдубут ыччаттара хайдах өйдөөх-санаалаах, сыаннастардаах, токуйдаах үүнэн сайдан тахсалларыттан тутулуктаах эбит.Ол иһин ыччаттарга болҕомто ууруллан, араас программалар, хайысхалар, хамсааһыннар үлэлии тураллар. Движение первых, Юнармия, Навигаторы детства, Твой герой, Росмолодежь, Роспатриот хайысхаларын олус бэрткэ истэн билэбит. Бу хайысхалар сотору кэминэн өссө киэҥ хабааннаахтык үлэлэрэ ыытыллара күүтүллэр. Ону таһынан форумҥа ураты болҕомто Аҕа дойду Улуу сэриитигэр Кыайыы 80 сылыгар бэлэмнэнии боппуруостарыгар ууруллунна.Түмүктээн эттэххэ, маннык дириҥ суолталаах тэрээһиҥҥэ элбэх ыччаттартан талыллан тиийбиппэр күүс көмө, өйөбүл буолбут улууһум дьаһалтатыгар улахан махталбын тириэрдэбин.Патриот диэн төрөөбүт дойдутун ытыктыыр, өбүгэлэрин сирин үүнэрин-сайдарын туһугар үлэлиир-хамсыыр, харыстыыр киһинэн ааҕынабын. Онон туора турбакка, туох барыта бэйэбититтэн тутулуктааҕын өйдөөн туран, кэлэр кэнчээригэ холобур буолан, билиибитин кэҥэтэргэ, алтыһарга, дойдубут сайдарын туһугар кылааппытын киллэриэххэ, дьулуһа туруохха диэн ыҥырабын. Вероника Маркова Чурапчытааҕы киин бибилэтиэкэ исписэлииһэ.