Биобиблиографические и библиографические указатели

Саха историческай фольклорун уһулуччулаах хомуйааччыта, чинчийээччитэ, кыраайы үөрэтээччи Сэһэн Боло — Д.И.Дьячковскай төрөөбүтэ 105 сылыгар ананар. Бу ыйынньык кыраайы үөрэтээччилэргэ, студеннарга, үөрэнээччилэргэ, культура үлэһиттэригэр, ону таһынан саха фольклорун уонна итэҕэлин билиэн, үөрэтиэн баҕалаахтарга ананар.

Бу ыйынньыкка биир дойдулаахпыт, саха биллиилээх суруйааччыта Болот Боотур кинигэлэрин, ыстатыйаларын уонна суруйааччы олоҕун, айар үлэтин сырдатар ыстатыйалар испииһэктэрэ киирдилэр. Мунньуллубут матырыйааллар ситэтэ суохтар, ол курдук суруйааччы айымньыларын нуччалыы переводтара, нууччалыы тылынан тахсыбыт ыстатыйалар, рецензиялар киирбитилэр.

Ыйынньыкка киирбит матырыйааллар теманан араарылыннылар. Салааларга ыстатыйалар хронология бэрээдэгинэн наарданнылар.

Ыйынньык библиотекардарга, саха тылын учууталларыгар, оҕолорго көмө матырыйаалынан буолуо диэн эрэнэбит.

Бу ыйынньык Феоктист Софронов хомоҕой тыллаах-өстөөх поэт, уус уран тылбаас баар буолуутугар киһи мыыммат үлэтин хаалларбыт тылбаасчыт, Чурапчы бастыҥ үлэһиттэрин, чулуу буойуттарын сырдаппыт публицист быһыытынан айымньыларын, үгүс өрүттээх айар үлэтин уонна кини туһунан суруллубут литератураны кытта билиһиннэрэр. Ыйынньык олоҕун үгүс сылын уус-уран тылбааска анаабыт талааннаах поэт, очеркист төрөөбүтэ 90 сылыгар ананар.

Бу ыйынньык тахсарыгар профессор Г.П.Башарин аатынан оскуола саха тылын уонна литературатын учуутала, РФ үөрэҕириитин бочуоттаах үлэһитэ, СР үөрэҕириитин туйгуна Лидия Степановна Сивцева дипломнай үлэтэ уонна Виктор Ильич кыыһа профессор Г.П.Башарин аатынан оскуола математикаҕа учуутала, РФ үөрэҕириитин бочуоттаах үлэһитэ, Ср үөрэҕириитин туйгуна Вера Викторовна Башарина дьиэтээҕи архыыбыттан аҕатын туһунан хомуйбут матырыйааллара, хаартыскалара туһанылыннылар.

Библиографическай ыйынньык библиотека үлэһиттэригэр, учууталларга уонна Виктор Башарин айар үлэтин, олоҕун сэҥээрээччилэргэ, оскуола үөрэнээччилэригэр ананар.

С.С.Яковлев — Эрилик Эристиин олоҕор уонна айар үлэтигэр интэриэс билигин да уҕараабат, онон библиографическай ыйынньык библиотека үлэһиттэригэр, киэҥ ааҕааччыга, учууталларга, суруйааччы олорон ааспыт олоҕун сэҥээрээччилэргэ, оскуола, орто уонна үрдүк үөрэх кыһаларын үөрэнээччилэригэр анаан оҥоһулунна.

Аҕа дойду Улуу сэриитин кыттыылааҕа, П.А.Ойуунускай аатынан Судаарыстыбаннай бириэмийэ лауреата, САССР үтүөлээх учуутала, Болугур нэһилиэгин, Чурапчы улууһун Бочуоттаах олохтооҕо Иван Михайлович Павлов олорон ааспыт олоҕун уонна айар үлэтин көрдөрөр биобиблиографическай ыйынньык оҥоһулунна. Ааҕааччы киэҥ араҥатыгар ананар.