Ыам ыйын 15 күнүгэр Е.А.Борисов аатынан киин бибилэтиэкэҕэ Алаҕар нэһилиэгин «Алгыс» уһуйаан ветеран педагога, Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтин «Оскуола иннинээҕи үөрэхтээһин сайдыытыгар кылаатын иһин», «Бастыҥ методист», «Алаҕар нэһилиэгин сайдыытыгар кылаатын иһин» бэлиэлэр хаһаайкалара  өр сыллаах үлэтин үөрүйэхтэрин түмэн суруйбут «Обучение детей-саха русскому языку в национальных детских садах» программа автора, Попова Мария Петровна  «Программа развития грамотной речи детей по русскому языку в национальных детских садах» диэн кинигэтэ иккиһин саҥардыллан тахсыбытын билиһиннэрии үөрүүлээх тэрээһинэ буолла. Кинигэ нууччалыы тылынан суруллубут.  Аннотациятыгар «Программа урут баар программалар варианарын быһыытынан оҥоһуллубут, ФОП ирдэбилигэр эппиэттиир. Үөрэтии методиката-интеграция. Атын предметтэри кытта сибээстээх. Үөрэх техгологията — оонньуу. Иитээччилэр бэйэлэрин бөлөхтөрүн оҕолоругар сатабылларын уонна дьоҕурдарын таһымын учуоттаан уларытыылары уонна эбиилэри киллэриэхтэрин сөп. Бу программа национальнай оҕо уһуйаанын иитээччилэригэр ананар диэн суруллубут. Кинигэ сүрэхтэниитигэр кыттыыны ыллылар: Чурапчы улууһун үөрэҕин салаатын уопсай үөрэхтээһинин сүрүннүүр специалиһа М.П.Оконешникова, Үөрэх салаатын психолого-педагогическай отделын салайааччытыгар А.С.Копрынова, биир идэлээх коллегалара. «Алгыс» оҕо уһуйаанын иитиллээччилэрэ остуоруйа көрдөрөн сэргэхситтилэр.  Программа ырытыыта үчүгэйин, сиһилиитин, сүүс бырыһыан киһиэхэ тириэрдэр гына кэпсэннэ диэн автор махталын тириэртэ. Кинигэ ырытыытын оҥордо Ааҕааччылары кытта үлэлиир салаа сэбиэдиссэйэ М.Н.Кузьмина.