Олох
- Алаастарынан, өтөхтөрүнэн үйэлэргэ тарҕанан олоҕу оҥостуу сомоҕолоһууга уһуйбатах.
- Аҕалар уонна кыргыттар сыһыаннара кэскили кэрэһилиир.
- Айылҕа уонна уонна уолаттар алтыһыылара олоҕу түстүүр.
- Ийэлэр уонна кыргыттар сыһыаннара кэскили кэрэһилиир
- Айылҕа сарсыардааҥҥы туманын кэриэтэ, олох оҥорор тумарыгар дьону эмиэ муннарар.
- Икки атахтаахтан айыллыбыт хороону-хайаҕаһы булан хорҕойуоҕа.
- Историяны дьиҥинэн ылыныы кэнэҕэскини кэскиллиир.
- История – олох. Олоххо бары-барыта кэмиттэн кэмигэр,ачаах маска эриллэр хатыс өтүү курдук, тыҥаан-сымнаан ылар.
- История майгыта хаҕыс. Ардыгар умнуган буолар көлдьүн кэмэлдьилээх.
- Кыараҕас түөлбэҕэ сураҕы ыт кытары истэр.
- Мөккүөрэ суох олох оннуттан сыҕарыйбат.
- Обургу бадарааҥҥа аһаабыт баҕа төрөөбүт чалахайыгар төннүбэт.
- Олох муннукка хаайтарбат. Суолун-ииһин хайа эмэ өттүгэр тобулунар.
- Олох очурдаах оҥоһуута ооҕуй оҕус иилистибит илимиттэн да уустук.
- Олох киһилии сигилилээх,иэстээх хаалбат.
- Олох уурбут оллооно киһини сиэрдээх сигилилиир.
- Олох – аһынар санаа анамматах айылгыта. Киһи бу уйгулаах орто бараан дойдуга бэйэтин иннин көрүннүн, суолун солоннун, олоҕун оҥоһуннун диэн ананан айыллар.
- Олох олбоҕун эрдэттэн тэлгээн кэтэһиннэрбэт.
- Олоххо бары-барыта, тоҥолоххо эриллэр сэбэһэ эргииринии, хатыланар аналлаах.
- Иитин кээмэйэ эрэ уларыйар.
- Олоххо анаммыт дьылҕа сатабылынан түстэнэр.
- Олоххор атыллыыр атаҕыҥ күлүгүн үктүү сорунума. Өйөбүлэ суох охтуоҥ.
- Омук сүтэр тылыныын биллибэккэ симэлийэр.
- Орто дойду олоҕор бары-барыта сиэттиһэн- ситимнэһэн салҕанар.Өйдөөхтөр ону эрдэттэн бигэтик ситимнииллэр.
- Өйдөөх киһи олоҕун өтө көрөн оҥостор. Дьалбаа киһи олоҕо майгытын батыһар.
- Салаллан устар олох долгуна дьылҕаны түстүүр.
- Сурах тарҕанарын харгыстыыр күүһү, көрөрү-истэри кубулдьутар курдук албаһы үрдүк Айыылар айбатахтар.
- Сурах-садьык дьон олоҕун аттарар аналланан айыллыбыт.
- сурах-садьык күүркэйэринэн күүстээх.
- Сүбэлэһиэҕи сүбэлэһэллэр. Сүбэлэммэти сүбэлэспэттэр.
- Сылдьар суолга айаҕын тардыма, бэйэҕин дэҥниэҕэ.
- Сымыйа сурах ааһар айдарыылаах.
- Улуу омук ыарахан тыынын дьайыыта кимиэллээх. Аламай күн анныгар олоҕун булунарга дьулуһар дириҥник дьааһыйар тыына ылыахтааҕын ылан иһэр.
- Үтүө киһини сайдам сураҕа урутаан арыаллыыр.
- Эриллэҕэс олох иэстэбиллээх. Иэс төлөннөҕүнэ, олох оннун булар.