Алтынньы 10 күнүгэр “Арчы» дьиэтигэр Чурапчыбыт улууһун Оһуохайы сэҥээрээччилэрэ, таптааччылара тоҕуоруһа мустаннар, “Оһуохай сүбэтэ» үлэтин-хамнаһын билиһиннэрэр сыаллаах тэрээһин буолан ааста.Ол курдук “Оһуохай сүбэтэ” Чурапчы улууһугар саас ыам ыйыгар тэриллибитэ, салайааччынан Мария Филипповна Кронникова анаммыта.Үлэтин сыалынан буолар улуус таһымыгар оһуохай сайдар соруктарын оҥоруу, саха төрүт үҥкүүтүн оһуохайы харыстааһыныгар үлэлэһии, киэҥ эйгэҕэ тарҕатыы, кэлэр кэнчээри ыччаттарга оһуохай суолтатын тириэрдии уонна үйэтитии буолар.Тэрээһин үөрүүлээх арыллыытын Оһуохайга Ил Дархан истипиэндьийэтин 2023 сыллаах аһаайына, спорт ветерана, ытыктыыр убаастыыр киһибит Семен Семенович Морфунов алгыһынан саҕалаата.Ону таһынан «Оһуохай сүбэтин» салайааччыта Мария Филипповна Кронникова сыллааҕы үлэ торумнарын билиһиннэрдэ. Кэлбит дьон-сэргэ олуһун диэн оһуохай таһаарарга үөрэниэхтэрин, сатыахтарын баҕаралларын эттилэр.Түмүгэр, Чурапчы улууһун олохтоохторугар хас четверг ахсын Арчы дьиэтигэр күнүс 2 чаастан араас хабааннаах, үөрэтэр сыаллаах тэрээһиннэрэ мантан инньэ буолуохтара, бука диэн ыалдьыттары, сэҥээрээччилэри ыҥырабыт.Оһуохай бу сахалар төрүт, өй-санаа бииргэр түмсэр үҥкүүтэ.Оһуохай-олохпут эргимтэ үҥкүүтэ, оһуохай-күндү күммүт күлүмнүүр иитэ!