Кулун тутар бастакы сэрэдэ күнэ -дойду үрдүнэн сылын аайы ыытыллар  «Дорҕоонноохтук ааҕыы» күнүнэн биллэр. Бу күнү 2010 сылтан «LitWorld» хампаанньыйа көҕүлээһининэн, таба суруйууну өйөөн бэлиэтиир буолбуттара. Акция ыҥырыы суруга «Ааҕыы — инники сайдыыга хардыы».

Оҕо библиотеката бу акцияҕа кыттан оскуола, библиотека уонна уһуйаан тэрилтэлэригэр күргүөмүнэн ааҕыылары ыытта. Үөрэнээччилэр, уһуйаан иитиллээччилэрэ, иитээччилэр уонна библиотека кыра  ааҕааччылара  Алампа, Семен Данилов, Савва Тарасов, Гаврил Ефимов уо.д.а поэттар  хоһооннорун  дорҕоонноохтук күргүөмүнэн биир күн аахтылар. Барыта 5 оҕо тэрилтэтэ:  С.А.Новгородов аатынан уонна И.М.Павлов аатынан Чурапчы орто оскуолалара,  «Мичил», «Улыбка», «Березка» уһуйааннар кытыннылар. Бары акцияҕа кыттыбыттарга барҕа махталбытын тиэрдэбит.

«Дорҕоонноохтук ааҕыы» видеолара