Николай Николаевич Аржаков-Боло Уус

Ааптар Манчаары Баһылай ырыаларын-тойуктарын кини төрөөбүт алааһыттан Арыылаахтан саҕалаан, хоно-өрөөн ааспыт сирдэринэн сылдьан, кэннигэр хаалларбыт тойуктарын «Күн дьоно» тойук бөлөҕө туойан киинэ оҥорон таһаарбыттарын туһунан кинигэтин саҕалыыр. Кыраайы үөрэтээччи быһыытынан чинчийиитин түмүгэр Манчаары Баһылай уҥуоҕа диэн археологтар алаҕаһаан атын киһи уҥуоҕун хаспыттарын уонна кини дьиҥнээх уҥуоҕун булары туруорсар. Нуучча поэттара Матвей Александров, Николай Борисовскай Манчаары туһунан поэмаларын сахалыы тылбаастарын, Көтөт былыргы Семен Новогородов алпаабытынан суруллубут сэһэнин билиҥҥи тылынан суруйан киллэрбит. Манчаары Баһылай мөссүөнүн дьон ойуулааһынынан уонна билиҥҥи анимация ньымаларын туһанан ойуулаабыт. Манчаары ханнык даҕаны ороспуонньук уонна масыанньык буолбатаҕын, кини киһилии быһыытын арыйан көрдөрөр.