Нэдиэлэ сонуннара
Сэтинньи 24 күнүгэр С.А.Новгородов аатынан Чурапчы орто оскуолатын 2 кылааһын үөрэнээччилэрэ киин бибилэтиэкэни кытта билистилэр, «Байанай ыйыгар» анаммыт быыстапканы сэҥээрэн көрдүлэр. Салайааччы М.Н. Попова.
Олоҥхо саха норуотун тылынан уус–уран айымньытын саамай үрдүк чыпчаала, үйэттэн үйэлэр тухары көлүөнэттэн көлүөнэҕэ бэриллэн испит дириҥ ис хоһоонноох айымньыта буолар.
Сэтинньи 25 күнэ Саха сиригэр Олонхо күнүнэн биллэриллэн турар. Бу күн бүтүн республика үрдүнэн “Олонхо дьыктаана” ыытылынна. Е.Борисов аатынан киин бибилэтиэкэ дьыктааны икки сиринэн ыытта: улахан дьоҥҥо “Айылгы” сынньалаҥ киинигэр уонна ыччаттарга С.А.Новгородов аатынан орто оскуолаҕа. Барыта холбоон 33 киһи кыттыыны ылла. Суруйуу түмүгүнэн 1 м. Диодорова Марианна, 2м. Монгуш Любовь, 3м. Захарова Наталья ыллылар. Анал ааттар “Бастыҥтан бастыҥ суруксут” Орлова Варвараҕа, “Бастыҥ суруксут” Чирикова Маргаритаҕа, Максимова Александраҕа, “Үчүгэй суруксут” Коркина Елизаветаҕа туттарылынна.
Декада устата “Олоҥхону ааҕабыт” бырайыагынан библиотекаҕа кэлбит ааҕааччыларга олонхону аахтаран, холонон көрдүлэр. Эдэр ыччаттарга олоҥхоҕо квиз оонньуу, оҕолорго уруоктар ыытылыннылар.
Сэтинньи 27 күнүгэр С.А.Новгородов аатынан 9 кылаастарга «Олоҥхо дойдутугар айан» литературнай уруок ыытылынна. Уруогу ыытта ааҕаччын кытта үлэлиир салаа бибилэтиэкэрэ А.П.Капрынова.
Бу күн Е. А. Борисов аатынан киин библиотека уонна П.И. Борисова аатынан “Улыбка” уһуйаан холбоһуктаах дьиэ кэргэнинэн ааҕыы бырайыактарын саҕалаатылар. Бырайыак сыала-соруга: Дьиэ кэргэнинэн ааҕар дьоҕурдарын сайыннарыы, бибилэтиэкэҕэ сылдьар интэриэстэрин тардыы, саҥа сонун, интэриэһинэй кинигэлэри кытта билиһиннэрии, айар сатабылларын көҕүлээһин, төрөппүттэри ааҕыы эйгэтигэр угуйуу. Бырайыак аһыллыытын тэрээһинэ Борисов аатынан киин бибилэтиэкэҕэ экскурсияттан саҕаланна. Егор Афанасьевич олоҕун, үлэтин туһунан сырдатылынна.
Чурапчытааҕы спорт институтун бастакы кууруһун устудьуоннарыгар олоҥхо декадатын чэрчитинэн «Олоҥхо-квиз» өй оонньуута ыытылынна. Оонньуу барыта 6 түһүмэхтэн турар, 2 хамаандаҕа арахсан күрэхтэстилэр. Оҕолор олус көхтөөхтөр, астына-дуоһуйа оонньоотулар. «Билиибитин өссө да кэҥэтиэххэ” наада диэн түмүккэ кэллилэр. Ону тэҥэ биллиилээх спортсменнар тустарынан кинигэлэри билиһиннэрдэ. Оонньууну ыытта ааҕааччыны кытта үлэлиир салаа бибилэтиэкэрэ В.Е.Маркова.
