Киин бибилэтиэкэҕэ нэдиэлэ устатыгар ыытыллыбыт тэрээһиннэри билиһиннэрэбит.

Кулун тутар  11 күнүгэр Мугудай нэһилиэгэр Е.А.Борисов аатынан архыып –бибилэтиэкэтэ көһө сылдьар  “Биилээх сэп-сэбиргэл” интэриэһинэй быыстапкатын   тэрийдэ. Быыстапкаҕа турбут   сэдэх, олус сиэдэрэй оҥоһуулаах сэп-сэбиргэл: быһахтар,батастар, саабылалар,  батыйалар  олохтоохтор улахан сэҥээриилэрин ыллылар.

Кулун тутар 12 күнүгэр тулаайах уонна төрөппүтэ суох хаалбыт  оҕолорго төгүрүк остуол ыытылынна. Төгүрүк остуолга араас эйгэттэн кытыннылар. Дьиэ кэргэҥҥэ уонна ыччакка социальнай психологическай көмөнү оҥорор киин үлэһитэ Борисова В.М.  оҕолорго тренинг ыытта. Чурапчытааҕы ис дьыала  отделын  сааһын ситэ илик оҕолорго инспектора Сивцева К.И.  буруйу оҥорууну утары  уонна сокуону кэһииттэн сэрэтиигэ  өйдөтүү үлэтин ыытта.Улуустааҕы үөрэх управлениятын специалиһа Пермякова Л.А.  интернет ситимин  куттала суох,сөпкө туһаныы туһунан наадалаах иһитиннэриини оҥордо. Улуустааҕы балыыһа фельдшерэ Корнилова Л.Н.  электроннай табах доруобуйаҕа буортутун кэпсээтэ, киин библиотека үлэһиттэрэ экускурсия ыыттылар, идэни талыыга туһалаах  сүбэлэри биэрдилэр.

Дьокуускай куоракка биир дойдулаахпыт, саха народнай суруйааччыта Василий Назарович Егоров – Тумарча 90 сааһын бэлиэтиир үбүлүөйдээх тэрээһинэ П.А.Ойуунускай аатынан литературнай түмэлгэ ыытылынна. Е.А. Борисов аатынан библиотека-архив отделын салайааччыта  Платонова В.А.  үөрүүлээх түгэҥҥэ  улуус  бибилэтиэкэрдэрин  аатыттан эҕэрдэтин  тиэртэ.

Бибилэтиэкэ эдэр үлэһиттэригэр үөрэтэр  курстар саҕаланнылар. “Библиографическая работа” тиэмэҕэ  бибилэтиэкэрдэр  нэһилиэнньэҕэ ыытар элбэх хайысхалаах  үлэлэригэр көмөлөөх  методическай матырыйааллары, практическай уопуту  ыллылар.

  Мугудай, Бахсы, Чурапчы  орто оскуолаларын  үөрэнээччилэрэ Е.А.Борисов архыып бибилэтиэкэтин билистилэр. Бөдөҥ государственнай, политическэй деятель, биир дойдулаахпыт олоҕун, үлэтин уонна архыып бибилэтиэкэ фондатын туһунан киэҥ информацияны ыллылар.

Нэдиэлэ устата  37 саҥа  ааҕааччы  кэлэн  сурунаал, хаһыат ааҕан, кинигэ уларсан бибилэтиэкэ  өҥөтүнэн туһаннылар.