Нэдиэлэ сонуннара
Новости
- Сэтинньи 5 күнүгэр Е.А.Борисов аатынан улуус киин бибилэтиэкэтигэр «Спортивнай” ТОС олохтоохторо Чурапчы нэһилиэгэр биллэриллибит «Чөл олох сылын» чэрчитинэн «Удьуор утума» диэн тэрээһиҥҥэ кытыннылар.Е.А.Борисов аатынан улуус киин бибилэтиэкэтигэр сэтинньи 6 күнүгэр Л.В.Тосукаева салайааччылаах социальнай управления үлэһиттэрэ сырыттылар. Е.А.Борисов архыып-бибилэтиэкэтин отделыгар экскурсиялаатылар. Бибилэтиэкэ саҥа технологияларынан, электроннай бибилэтиэкэни тэрийиинэн, «Үүн-сайын» медиалаборатория элбэх хайысхалаах, киэҥ хабааннаах ыытар үлэлэрин сэргээтилэр, биһирээтилэр.Сэтинньи 7 күнүгэр Е.А.Борисов аатынан улуус киин бибилэтиэкэтигэр «Куоҕалы» ТОС кырдьаҕастара ыалдьыттаатылар. Киин бибилэтиэкэ уонна Е.А.Борисов архыып-бибилэтиэкэ отделын кытта билиһиннэрии экскурсия тэриллэн ыалдьыттарбыт сэргээн, астынан махталларын биллэрдилэр.Тохсус төгүлүн ыытыллар бүтүн Россиятааҕы улахан этнографическай диктант акцияҕа кыттааччыларга киин бибилэтиэкэ площадка тэрийэн ыытта. Бу хайыскаҕа интэриэстээх дьон кэлэн актыыбнайдык кытыннылар. Үчүгэй көрдөрүүлэнэн бары сертификат туттулар.Сэтинньи 8 күнүгэр Е.А.Борисов аатынан киин бибилэтиэкэҕэ «Новые возможности для творческих команд региона» ПФКИ грантовай куонкурсун семинар-лекцията Москваттан быһа холбонуунан телемост нөҥүө ыытылынна. Семинар спикера — Кузьмина О.Ю., Москва куорат ПФКИ департаменын салайааччыта.
