Нэдиэлэ сонуннара
Новости
- Аан дойдутааҕы оскуола бибилэтиэкэрдэрин күнүгэр өр сыл үлэлээбит бибилэтиэкэр наставниктары кытта көрсүһүү буолан ааста. Мустубут дьоҥҥо Е.А.Борисов архыып- бибилэтиэкэтин билиһиннэрэр экскурсия ыытылынна. Архыып-бибилэтиэкэни билиһиннэрэр экскурсиялар Хайахсыт орто оскуолатын учууталларыгар уонна үөрэнээччилэригэр ону тэҥэ Мэҥэ-Хаҥалас Майатааҕы лицейын үлэһиттэригэр тэрилиннэ. “Туллукчаан» уһуйаан иитиллээччилэрэ уонна иитээччилэрэ Е.А.Борисов аатынан киин бибилэтиэкэҕэ ыалдьыттаатылар. Биир дойдулаахпыт Саха Өрөспүүбүлүкэтин суруйааччыларын сойууһун чилиэнэ Чурапчы литературнай түмсүү салайааччыта Римма Иннокентьевна Корякина – Хотууна «Көмүс көһүйэ» остуоруйаларын иһиттилэр. С.А.Новгородов аатынан Чурапчытааҕы орто оскуола «Тобул» күһүҥҥү лааҕыр иитиллээччилэрэ киин бибилэтиэкэҕэ кэлэн Улуу нуучча суруйааччыта А.С.Пушкин үбүлүөйдээх сааһын көрсө оҕо эрдэҕинээҕитин уонна кини суруйбут остуоруйаларын туһунан бэрткэ сэргээн иһиттилэр. “Сказочный шатер», “Угадайка”, “У лукоморья”, “У белочки в хрустальном дворце” диэн тохтобулларынан квест оонньууга уолаттар уонна кыргыттар тус-туспа хамаанда тэринэн бэрт тыҥааһыннаахтык кииристилэр. Бу саастаах оҕолор остуоруйаны сөбүлээн ааҕалларын, олус билэллэрин сөхтөрдүлэр. “Боотур уус сыдьааннара” муниципальнай программа чэрчитинэн “Иитии саҥа философията” диэн тиэмэҕэ төрөппүттэр уонна педагогтар кыттыылаах киэҥ хабааннаах научнай практическай конференция Е.А.борисов аатынан киин бибилэтиэкэҕэ ыытылынна. Конференция кыттыылаахтара архыып-бибилэтиэкэни кытта билистилэр.
