Элбэх өҥөнү оҥорор дьиэ кэргэн киинин үлэһиттэригэр бибилэтиэкэ үлэһиттэрэ Атласова У. Н. Е.А.Борисов бибилэтиэкэ архыыбын отделын үлэтин, Маркова В.Е. киин бибилэтиэкэ фондугар киирбит саҥа кинигэлэри сырдаттылар, бииргэ үлэлииргэ ыҥырдылар. Ону тэҥэ киин бибилэтиэкэ тэрилтэлэргэ миэстэтигэр кинигэлэри уларсар өҥө оҥорорун билиһиннэрдилэр. Бу күн Березовскай уонна Федоров ааптардардаах «Жизнь замечательных людей» сиэрийэҕэ тахсыбыт  “Егор Борисов”диэн кини олоҕун, үлэтин биографиятын  туһунан кинигэни сиһилии билиһиннэрдилэр.Арчы дьиэтигэр ыытыллыбыт оһуохай түһүлгэтигэр бибилэтиэкэ кыттыыны ылла. Манна Зоя Мохначевская кэлэн сатаан тыына үөрэнэргэ, дорҕоон эмтиир күүһүн сатаан туттарга, киһи тыынын уһатарга, ийэ кылыһаҕын таһаарарга маастар кылаас ыытта.С.А.Новгородов аатынан Чурапчытааҕы орто оскуола 10”б” кылааһын үөрэнээччилэригэр Улуу кыайыы уонна суруйааччы Тимофей Сметанин үбүлүөйдээх сылларын көрсө “Егор Чээрин” айымньытынан библиотечнай уруок ыытылынна. Үөрэнээччилэр айымньы ис хоһоонун ырытан, дорҕоонноохтук ааҕан, түмүгэр викторинаҕа сөпкө эппиэттээн билиилэрин-көрүүлэрин хаҥатан тарҕастылар. И.М.Павлов аатынан Чурапчытааҕы орто оскуола 5,9,10,11 кылаастарын үөрэнээччилэригэр  Улуу нуучча суруйааччыта А.С.Пушкин сахалыы тылынан тылбаастаммыт кинигэтинэн «Таптыыр сахам тылынан”   дорҕоонноохтук ааҕыы, элбэх оонньуулаах уруок ыытылынна.Е.А. Борисов аатынан киин бибилэтиэкэҕэ “Кыталык” детсад үлэһиттэрин уонна төрөппүтэрин мунньаҕа буолла. Манна ааҕааччыны кытта үлэлиир салаа бибилэтиэкэрэ Захарова М. Н. “Оҕону ааҕарга уһуйуу” диэн тиэмэҕэ иһитиннэрии оҥордо. Ааҕыыга оҕону хайдах сыһыарыыга туһалаах сүбэлэри кэпсээтэ. Дьиэҕэ ханнык кинигэлэр баар буолуохтаахтарын чопчулаан көрдөрдө Бибилэтиэкэр Атласова У.Н оҕону иитиигэ Борисовтар дьиэ кэргэн үтүө үгэстэрин туһунан  Е.А.Борисов архыып бибилэтикэтин фондатыгар баар кинигэлэргэ олоҕуран холобурдары сырдатта.Улууска  “Чурапчы улууһун ытык сирдэрэ» диэн гуманитарнай чинчийэр уонна аҕыйах ахсааннаах хотугу омуктар кыһалҕаларын институтуттан учуонайдар кыттыылаах төгүрүк остуол  буолан ааста. Манна улуус бибилэтиэкэрдэрэ кыттыыны ыллылар, бэйэлэрин санааларын үллэһиннилэр.