Кулун тутар ый 18 күнүгэр, киин библиотека ааҕар саалатыгар «Чурапчы» литературнай түмсүү чилиэнэ Николанна Николаевна Бушуева-Арчылаана Чараҥ «Иэйэр кутум суһума» диэн кинигэтин сүрэхтэниитэ буолан ааста. 

Ол курдук, 2000 сылтан бастакы хоһоонноро ситэн-хотон «Эркээйи» (Мэҥэ-Хаҥалас), улуустааҕы «Саҥа олох», өрөспүүбүлүкэтээҕи «Киин куорат», «Эдэр саас» хаһыаттарга бэчээттэнэн тахсыбыттара. 

Кинигэлэрэ «Дууһам кылын таарыйан» (2009), «Күн тэҥэ киһикэм. Күн күбэй ийэккэм» (2015), «Куйаар сипсиэрэ» (2017) бэчээттэнэн тахсыбыттара.

Саҥа сүрэхтэммит «Иэйэр кутум суһума» кинигэ «Үөрэбин үрүҥ күнү көрөрбүттэн» түһүмэҕэр автор ийэтигэр, аҕатыгар, төрөөбүт дойдутугар, саха тылыгар, суостаах сэрии кыттыылаахтарыгар анаабыт хоһоонноро киирбиттэр.  

«Үрүҥ күүс илдьитэ буолабын» түһүмэҕэр Арчылаана Чараҥ олоҕу анаарыытын хоһоонноро киирбиттэр. «Ийэ тыл билгэлээх биһигэр» түһүмэххэ анабыл хоһоонноро киирбиттэр.

Н.Н.Бушуева-Арчылаана Чараҥ саҥа кинигэтин биһирэминэн Чурапчы улууһун общественнай Сэбиэтин чилиэнэ,  А.Д.Керемясов, «Чурапчы улууһа (оройуона)» МТ ыччат отделын сүрүннүүр специалиһа А.Д.Спиридонова, «Чурапчы нэһилиэгэ» МТ бэтэрээннэри уонна доруобуйаларынан хааччахтаах дьону кытта үлэ исписэлииһэ М.П.Матвеева эҕэрдэлээтилэр.

Автор хоһооннорун

СӨ «Сахабэчээт» Судаарыстыбаннай автономнай тэрилтэтин «Саҥа олох» эрэдээксийэтин үлэһитэ, СӨ Суруналыыстарын сойууһун чилиэнэ АМ.Слепцов

биир дойдулааҕа, наставнига Л.А.Пермякова,  Одьулуун нэһилиэгин саха тылын уонна литературатын учуутала Иван Ильич Попов автор хоһооннорун ырыттылар.

Биир дойдулааҕатара, доҕотторо, аймахтара, дьиэ кэргэнэ, библиотека коллектива дьоро күнүн үөрүүтүн үллэһиннилэр. Кэлбит ыалдьыттар айымньылаах үлэни, ситиһиилэри, үтүөнү, кэрэни баҕардылар