Алтынньы 26 күнүгэр Чурапчы киин бибилэтиэкэтигэр СӨ норуодунай суруйааччыта Дмитрий Федосеевич Наумов 75 сааһынан, кини олоҕун, тыа сирин олоҕун туһунан айымньыларын тула «Дьиҥнээх норуот суруйааччыта» диэн истиҥ сэһэргэһии буолан ааста.

Сэһэргэһиини бэрт сэргэхтик Захарова Матрена Николаевна иилээн-саҕалаан ыытта. Кэлбит ыалдьыттарга Миитэрэй Наумов оҕо эрдэҕинээҕитин, тус олоҕун туһунан олус умсугутуулаахтык кэпсээтэ.

Ыалдьыттар Миитэрэй Наумов айымньыларын уустаан-ураннаан ааҕан, тэттик сценка оонньоон көрдөрдүлэр.

Киин бибилэтиэкэ исписэлииһэ Флегонтова Саргылаана Кэнчэриевна Миитэрэй Наумов айымньыларын туһунан кэпсээтэ. Ордук сөбүлээн аахпыт дьиэ кыылларын туһунан көрдөөх кэпсээннэрин кэпсээтэ.

Кэлбит ыалдьыттар бары сэһэргэһииттэн саҥаны билэн, астынан-дуоһуйан тарҕастылар.