Е.А.Борисов аатынан киин бибилэтиэкэҕэ кулун тутар 27 күнүгэр култуура күнннэрин чэрчитинэн сылын аайы ыытыллар улуустааҕы «Культурологическай аҕыы — 2025» научнай практическай конференция буолла. Конференция сыала диэн: кыттааччы научнай- творческай үлэтин салгыы сайыннарарыгар усулуобуйаны тэрийии буолар. Ааҕыы 3 хайысханан буолла: бастакы хайысха – Чурапчы  улууһун култууратын уонна ускуустубатын деятеллэрин туһунан, иккис хайысха – Чурапчы улууһун үбүлүөйдээх  суруйааччыларын туһунан, үһүс хайысха – култуура тула көҥүл тиэмэҕэ суруйуу. Конференция кыттыылаахтара бары да олус интэриэһинэй, дириҥ ис хоһоонноох дакылааттары бэлэмнээбиттэр. Дьүүллүүр сүбэҕэ үлэлээтилэр: Е.Д.Дьячковская – култуура управлениятыттан,  Ю.С.Толстоухов – Улуустааҕы түмэлтэн уонна Л.М.Григорьева – кыраайы үөрэтээччи. Түмүккэ дьүүллүүр сүбэ быһаарыытынан 1 хайысха,  I үрдэли —  Кытаанах бибилэтиэкэрэ Пономарева Л. А. «Аратаа аҕыс атарата», II үрдэли —  Бахсы бибилэтиэкэрэ Аргунова Л.П. “Норуоттан тахсыбыт талаан П.М.Решетников”, III үрдэли —  Одьулуунтан колледж үлэһитэ Ноговицына А.П. “Алаас уола Аратаа хоһоонноро эдэр ыччакка патриотическай өйү-санааны үөскэтиитэ” диэн тиэмэлэргэ оҥорбут дакылааттарынан ыллылар. 2 хайысхаҕа  I үрдэли Мугудай бибилэтиэкэрэ  Попова Е.Д.”Биир дойдулаахпыт Михаил Попов 100 сааһа”, II үрдэли оҕо ускуустубатын оскуолатын преподавателэ Макарова С.В. «Р.И.Корякина- Хотууна остуоруйаларынан методическай пособие”, III үрдэли оҕо бибилэтиэкэтин сэбиэдиссэйэ Дьячковская Е.Д. «Оҕо литературатыгар саҥа аат Р.И.Корякина — Хотууна», диэн тиэмэлэргэ дакылааттарынан ыллылар. 3 көҥүл тиэмэҕэ I үрдэли оҕо бибилэтиэкэтин бибилэтиэкэрэ Эверстова О.Г.«И.П. Попов плакаттарын нөҥүө Чурапчы көһөрүллүүтүн өйдөбүлүн оҕолорго тириэрдии», II үрдэли киин бибилэтиэкэ исписэлииһэ Флегонтова С.К. “Чурапчыга ааҕар балаҕан туһунан көрдөөһүннэр”,  III үрдэли Чурапчытааҕы түмэл салайааччыта Захаров А.А, «Попов Петр Никифорович” диэн тиэмэлэргэ дакылааттарынан ыллылар.